అఫ్గానిస్థాన్ తరఫున అద్భుత ప్రదర్శన చేస్తున్న స్పిన్నర్ రషీద్ఖాన్.. తన పెళ్లి గురించి ఆసక్తికర వ్యాఖ్యలు చేశాడు. తమ దేశ జట్టు ప్రపంచకప్ గెల్చుకున్న తర్వాతే వివాహం చేసుకుంటానని అన్నాడు. అజాది రేడియోతో ఇటీవలే జరిగిన ఇంటర్వ్యూలో ఈ విషయాన్ని వెల్లడించాడు.
ప్రస్తుతం ఐసీసీ బౌలింగ్ ర్యాంకింగ్స్లో అగ్రస్థానంలో ఉన్న రషీద్ఖాన్.. చాలా తక్కువ సమయంలోనే ఎక్కువ గుర్తింపు తెచ్చుకున్నాడు. దేశం తరఫునే కాకుండా ఐపీఎల్తో పాటు పలు దేశాల్లోని లీగుల్లో ఆడుతూ పేరు సంపాదించాడు. కెరీర్లో 7 టెస్టులు, 67 వన్డేలు, 48 టీ20లు ఆడిన రషీద్ఖాన్.. అన్ని ఫార్మాట్లలో కలిపి 200కు పైగా వికెట్లు తీశాడు.
ఐపీఎల్ కోసం ఎదురుచూస్తున్నా
అయితే కరోనా ప్రభావంతో నిరవధిక వాయిదా పడిన ఐపీఎల్ 13వ సీజన్ కోసం చాలా ఎదురుచూస్తున్నట్లు రషీద్ఖాన్ తెలిపాడు. ఈ టోర్నీలోని గత మూడు సీజన్లలో సన్రైజర్స్ హైదరాబాద్కు ప్రాతినిధ్యం వహించాడు. మొత్తంగా 46 మ్యాచ్లాడి 55 వికెట్లు దక్కించుకున్నాడు.
