టెస్టు క్రికెట్లో తనకు 'ఉత్తమ ప్రత్యర్థి ఎలెవన్' జట్టు ఇదేనంటూ ఓ జాబితాను ప్రకటించాడు ఆస్ట్రేలియా మాజీ క్రికెటర్ మైక్ హస్సీ. భారత్ నుంచి దిగ్గజ క్రికెటర్ సచిన్, సెహ్వాగ్, కోహ్లీలు ఇందులో ఉన్నా, ధోనీకి స్థానం లభించలేదు. అయితే మహీకి చోటివ్వకపోవడంకు గల కారణాన్ని వెల్లడించాడు హస్సీ.
ఓపెనర్లుగా సెహ్వాగ్, గ్రేమ్ స్మిత్(దక్షిణాఫ్రికా)లను ఎంచుకున్న హస్సీ.. ఆ తర్వాత స్థానాల్లో వరుసగా బ్రియాన్ లారా, సచిన్, కోహ్లీ, జాక్వెస్ కలిస్, కుమార సంగక్కరలకు చోటిచ్చాడు. లోయరార్డర్లో డేల్ స్టెయిన్, మోర్నీ మోర్కెల్, జేమ్స్ అండర్సన్, ముత్తయ్య మురళీధరన్లను ఎంచుకున్నాడు.
సుదీర్ఘ ఫార్మాట్లో ధోనీ కంటే సంగక్కర ప్రదర్శన బాగుండటం వల్లే మహీకి జట్టులో స్థానం కల్పించలేదని హస్సీ చెప్పాడు.
2005 నుంచి 2013 వరకు టెస్టుల్లో ఆస్ట్రేలియాకు ఆడిన మైక్ హుస్సీ.. ప్రస్తుతం ఐపీఎల్లో చెన్నై సూపర్కింగ్స్కు బ్యాటింగ్ కోచ్గా బాధ్యతలు నిర్వర్తిస్తున్నాడు.
ఇదీ చూడండి : 'సెహ్వాగ్ కన్నా అతడు మంచి ప్లేయర్ కానీ బుర్రలేదు'
