టీమ్ఇండియా మాజీ క్రికెటర్ యువరాజ్ సింగ్ వ్యాజ్యంపై స్పందించాలని హరియాణా ప్రభుత్వాన్ని ఆదేశించింది పంజాబ్, హరియాణా హైకోర్టు. తనపై నమోదైన ఎఫ్ఐఆర్ను కొట్టివేయాలని కోరుతూ కోర్టులో యువీ పిటిషన్ దాఖలు చేశాడు. దానిపై తమ స్పందన తెలియజేయాలని ఫిర్యాదు దారు సహా సర్కారు, పిటిషనర్ తరఫు న్యాయవాదికి హైకోర్టు గురువారం నోటీసులు జారీ చేసింది.
యువరాజ్పై ఎలాంటి బలవంతపు చర్యలు తీసుకోరాదని ప్రభుత్వానికి హైకోర్టు ఆదేశించింది. 4 వారాల్లో స్పందించాలని సంబంధిత వర్గాలకు చెప్పింది.
గతేడాది ఏప్రిల్లో లాక్డౌన్లో జీవితం ఎలా ఉందనే అంశంపై క్రికెటర్ రోహిత్ శర్మతో కలిసి ఇన్స్టాగ్రామ్లో సరదాగా ముచ్చటించాడు యువీ. ఆ సమయంలో మరో ఇద్దరు క్రికెటర్ల గురించి స్నేహపూర్వకంగా వ్యాఖ్యనించాడని, ఏ వర్గాన్ని కించపరిచే ఉద్దేశం యువీకి లేదని అతడి తరఫు న్యాయవాది తెలిపారు. ఇదే వ్యవహారంలో యువీపై గతవారం ఎఫ్ఐఆర్ నమోదైంది.
ఇదీ చూడండి: మొతేరా పిచ్పై మాజీల భిన్నాభిప్రాయాలు
