చాలా రోజుల విరామం తర్వాత టీమ్ఇండియా ఆల్రౌండర్ హార్దిక్ పాండ్యా తన కుటుంబంతో గడుపుతున్నాడు. ఐపీఎల్, ఆస్ట్రేలియా పర్యటన కోసం విదేశాలకు వెళ్లిన ఈ ఆటగాడు.. ఇటీవలే ఇంటికి చేరుకున్నాడు. ఇంట్లో తన భార్య నటాషా స్టాంకోవిచ్, కుమారుడు అగస్త్యతో కలిసి హాయిగా సమయాన్ని గడుపుతున్నాడు. నటాషాను ఈ మధ్యే డిన్నర్కు తీసుకువెళ్లాడు హార్దిక్. ఆ ఫొటోలను తన ఇన్స్టాగ్రామ్ స్టోరీలో 'మై డిన్నర్ డేట్' అంటూ పంచుకుంది నటాషా. ఆ తర్వాత.. తన ఖాతాలోనూ వాటిని షేర్ చేశాడు హార్దిక్.
హార్దిక్ పాండ్యా జులైలో తండ్రిగా మారాడు. ఐపీఎల్ కోసం యూఏఈ వెళ్లిన అతడు.. నాలుగు నెలలుగా ఇంటికి దూరంగా ఉన్నాడు. ఐపీఎల్లో ముంబయి ఇండియన్స్ తరఫున ఆడి.. ఆ జట్టు టైటిల్ నెగ్గడంలో కీలక పాత్ర పోషించాడు. ఆ తర్వాత ఆస్ట్రేలియా పర్యటనకు వెళ్లిన హార్దిక్.. మూడు వన్డేలు, పలు టీ-20ల్లో పాల్గొన్నాడు. వన్డేల్లో 2-1 తో భారత్ ఓడిపోయినప్పటికీ హార్దిక్ అద్భుతమైన ప్రదర్శన చేశాడు. మూడు ఇన్నింగ్స్లో కలిపి 210 పరుగులు సాధించి, టాప్ స్కోరర్గా నిలిచాడు.
ఇదీ చూడండి:ఆ ఇన్నింగ్స్ నాకెంతో ప్రత్యేకం: కోహ్లీ
