దుబాయ్ వేదికగా గురువారం జరిగిన క్వాలిఫయర్-1లో దిల్లీ క్యాపిటల్స్పై ముంబయి ఇండియన్స్ ఘన విజయం సాధించింది. ఈ మ్యాచ్లో హార్దిక్ పాండ్యా మెరుపు ఇన్నింగ్స్తో తమ జట్టుకు విజయం అందించడంలో కీలకపాత్ర పోషించాడు. దీంతో ఈ జట్టు ఫైనల్ చేరుకుంది. తాజాగా ఈ ఆల్రౌండర్ తన కుమారుడు అగస్త్యతో ఉన్న త్రోబ్యాక్ వీడియోను ఇన్స్టాగ్రామ్లో పంచుకున్నాడు.
- " class="align-text-top noRightClick twitterSection" data="View this post on Instagram
Play time with Agastya, the thing I miss most. I'll remember these days for the rest of my life 🥰
">
ఐపీఎల్ కారణంగా జులై 30న జన్మించిన అగస్త్యతో హార్దిక్ ఎక్కువ సమయం గడపలేకపోయాడు. యూఏఈలో మ్యాచ్ ఆడే సమయంలోనూ అతడి ధ్యాస అంతా తన కుమారుడిపైనే ఉందని హార్దిక్ అంటున్నాడు. ఐపీఎల్ కారణంగా తన కుమారుడిని ఎంతగానో మిస్ అవుతున్నట్లు ఇన్స్టాలో వెల్లడించాడు. అయితే ఈ సమయాన్ని జీవితాంతం గుర్తుంచుకుంటానని పేర్కొన్నాడు.
ప్రస్తుత ఐపీఎల్లో హార్దిక్ పాండ్యా లోయర్ ఆర్డర్లో బ్యాటింగ్ చేస్తున్నాడు. దిల్లీ క్యాపిటల్స్తో జరిగిన క్వాలిఫయర్ మ్యాచ్లో కేవలం 14 బంతుల్లో 37 పరుగులు నమోదు చేశాడు. ఈ మ్యాచ్లో 57 పరుగుల భారీ తేడాతో ముంబయి ఇండియన్స్ విజయం సాధించింది. అయితే ఐపీఎల్ పూర్తవ్వగానే పరిమిత ఓవర్ల సిరీస్లో పాల్గొనడానికి పాండ్యా ఆస్ట్రేలియా పర్యటనకు వెళ్లనున్నాడు.
