దాదాపు 10-12 ఏళ్ల నుంచి కోహ్లీ-రోహిత్ల ఆట చూస్తూ పెరిగానని, అలాంటిది ప్రపంచకప్ వార్మప్ మ్యాచ్ సందర్భంగా వారికి బౌలింగ్ చేసే అవకాశం రావడం చాలా ఆనందం కలిగించిందని చెప్పాడు బంగ్లాదేశ్ పేసర్ మహ్మద్ సెఫుద్దీన్. గతేడాది జరిగిన ఆ విశేషాలను తాజాగా జరిగిన ఓ ఇంటర్వ్యూలో పంచుకున్నాడు.
"గతేడాది ప్రపంచకప్లో భాగంగా కార్డిఫ్లో భారత్తో ప్రాక్టీసు మ్యాచ్ ఆడాం. నేను బౌలింగ్ చేసేటప్పటికి రోహిత్ బ్యాటింగ్, కోహ్లీ నాన్ స్ట్రైకింగ్ ఎండ్లో ఉన్నాడు. 'దాదాపు 10-12 ఏళ్ల నుంచి మీ ఆట చూస్తూ పెరిగాను. మీరు నా ఆరాధ్య క్రికెటర్లు. ఇప్పుడు మీకు బౌలింగ్ చేస్తున్నాను. ఏమవుతుందో చూడాలి' అని రోహిత్తో చెప్పాను. దానికి నవ్విన అతడు.. గుడ్లక్ చెప్పాడు. వారిద్దరిలో కనీసం ఒకరినైనా ఔట్ చేయాలనుకున్నాను. అనుకున్నట్లే ఆరోజు కోహ్లీ వికెట్ తీశాను"
-మహ్మద్ సైఫుద్దీన్, బంగ్లా పేసర్
కోహ్లీతో రోహిత్ శర్మ
ఈ మ్యాచ్లో తొలుత భారత్ 359 పరుగులు చేయగా, చాహల్-కుల్దీప్ స్పిన్ మాయతో బంగ్లాదేశ్ 264 పరుగులకే ఆలౌట్ అయి ఓడిపోయింది.
కోహ్లీ-రోహిత్లను చూస్తూ పెరిగిన తనకు, వారిని స్లెడ్జింగ్ చేయాలనే ఆలోచనే లేదని సైఫుద్దీన్ స్పష్టం చేశాడు. క్రికెట్ జెంటిల్మన్ గేమ్ అని, అది అలానే ఉండాలని అన్నాడు.
