టీమ్ఇండియా యువ బ్యాట్స్మన్ శుభ్మన్ గిల్.. తనకు చిన్నపాటి లెజెండ్లా కనిపిస్తున్నాడని ఆస్ట్రేలియా మాజీ క్రికెటర్ బ్రాడ్ హాగ్ అన్నాడు. టెస్టు క్రికెట్ ప్రపంచంలో రానున్న పదేళ్లలో గిల్ ఉత్తమ ఓపెనర్గా ఎదగనున్నాడని జోస్యం చెప్పాడు.
"ఆస్ట్రేలియాతో జరిగిన సిరీస్లో శుభ్మన్ గిల్ బ్యాటింగ్ తీరు నన్ను ఆకట్టుకుంది. ఆసీస్ బౌలర్లు షార్ట్ బంతులు విసిరినా.. అతడు హుక్ షాట్లు ఆడేందుకు సిద్ధంగా ఉన్నాడు. అతడొక చిన్నపాటి లెజెండ్లా కనిపిస్తున్నాడు. రానున్న పదేళ్లలో టెస్టు క్రికెట్ ప్రపంచంలో గిల్ ఓ ఉత్తమ ఓపెనర్గా ఎదుగుతాడు".
- బ్రాడ్ హాగ్, ఆస్ట్రేలియా మాజీ క్రికెటర్
గతేడాది డిసెంబరులో ఆస్ట్రేలియాతో జరిగిన తొలి టెస్టుతో అంతర్జాతీయ టెస్టు క్రికెట్లోకి శుభ్మన్ గిల్ అడుగుపెట్టాడు. ఈ సిరీస్లో కంగారూ జట్టుపై 2-1 తేడాతో టీమ్ఇండియా సిరీస్ను కైవసం చేసుకుంది. ఆడిన ఆరు ఇన్నింగ్స్ 259 పరుగులను రాబట్టాడు. గబ్బా వేదికగా జరిగిన చివరి టెస్టులో అద్భుతమైన బ్యాటింగ్తో 91 రన్స్ చేసి.. సెంచరీని సాధించకుండానే వెనుదిరిగాడు.
ఇదీ చూడండి: 'పంత్.. ప్రత్యర్థికి గుండెపోటు తెప్పించగలడు'
