అంతర్జాతీయ కెరీర్కు ఆగస్టులో వీడ్కోలు పలికిన మహేంద్ర సింగ్ ధోనీ.. వ్యాపారాల్లో బిజీ అయిపోతున్నాడు. అత్యధిక పోషక విలువులున్న కడక్నాథ్ కోళ్ల ఫామ్ను స్వస్థలం రాంచీలో త్వరలో పెట్టేందుకు సిద్ధమవుతున్నాడు. ఈ క్రమంలోనే అతడి బృందం, 2000 కోళ్ల కోసం ఆర్డర్ పెట్టినట్లు తెలుస్తోంది.
మధ్యప్రదేశ్ జబువా జిల్లాకు చెందిన ఓ పౌల్ట్రీ యజమానితో ధోనీ బృందం ఇప్పటికే సంప్రదింపులు జరిపిందని, డిసెంబరు 15లోగా 2000 కోళ్లను తమకు దిగుమతి చేయాలని కోరినట్లు పౌల్ట్రీ యజమాని వెల్లడించారు. ఇప్పటికే అడ్వాన్స్ అందిందని, దేశంలో ప్రముఖ క్రికెటర్లలో ఒకరికి తాను కడక్నాథ్ కోళ్లు అమ్ముతుండటం తనకెంతో గర్వకారణమని సదరు యజమాని పేర్కొన్నాడు. మధ్యప్రదేశ్లోని జబువా జిల్లాలో లభించే ఈ కడక్నాథ్ కోళ్లకు 2018లోనే జీఐ ట్యాగ్ కూడా లభించింది.
ఇది చదవండి: సేంద్రీయ ఎరువులకు అంబాసిడర్గా ధోనీ
