భారత క్రికెట్ నియంత్రణ మండలి జాతీయ సీనియర్ సెలెక్షన్ కమిటీని శుక్రవారం బోర్డు నియమించింది. ఈ సెలెక్షన్ కమిటీ ఛైర్మన్గా టీమ్ఇండియా మాజీ పేసర్ చేతన్ శర్మను బోర్డు ఎంపిక చేయగా.. అబ్బే కురువిల్లా, డెబాషిస్ మొహంతిలను ఇందులో సభ్యులుగా చేర్చింది.
ఐపీఎల్లో పది జట్లు
అహ్మదాబాద్ వేదికగా శుక్రవారం జరిగిన బీసీసీఐ వార్షిక సమావేశంలో బోర్డు సభ్యులు పలు కీలక నిర్ణయాలు తీసుకున్నారు. ఇండియన్ ప్రీమియర్ లీగ్లో కొత్త జట్లు చేర్చే విషయమై బీసీసీఐ పరిపాలన విభాగం నిర్ణయం తీసుకుంది. దీని ప్రకారం 2022 నుంచి ఐపీఎల్లో 10 జట్లు పోటీపడనున్నాయి.
ఒలింపిక్స్కు క్రికెట్!
2028 లాస్ ఏంజిల్స్ ఒలింపిక్స్లో టీ20 క్రికెట్ను చేర్చే విషయమై ఐసీసీ వేసిన బిడ్కు బీసీసీఐ సపోర్ట్గా నిలిచింది. లాక్డౌన్ ప్రభావంతో జీతాల్లేక ఇబ్బందులు పడ్డ ఫస్ట్ క్లాస్ క్రికెటర్లకు(పురుషులు, మహిళలు) పరిహారం చెల్లించాలని నిర్ణయం తీసుకుంది.
ఉపాధ్యక్షుడిగా రాజీవ్ శుక్లా
బోర్డు ఉపాధ్యక్షుడిగా రాజీవ్ శుక్లాను నియమిస్తూ బీసీసీఐ ఉత్తర్వులు జారీ చేసింది. ఐసీసీ బోర్డులో డైరెక్టర్గా గంగూలీ కొనసాగేందుకు పరిపాలన కమిటీ అనుకూలంగా నిర్ణయం తీసుకుంది.
ఇదీ చూడండి: 'కోహ్లీ, రహానె దారులు వేరైనా.. లక్ష్యం ఒక్కటే'
