భారత మహిళా క్రికెట్‌లో లైంగిక వేధింపుల అంశం మరోసారి తెరపైకి వచ్చింది. టీమిండియా మాజీ ఆటగాడు, బరోడా మహిళా జట్టు ప్రధాన కోచ్ అతుల్ బెడాడేపై ఈ ఆరోపణలు వచ్చాయి. చాలా మంది మహిళా ప్లేయర్లు ఇతడిపై ఫిర్యాదు చేసినట్లు తెలుస్తోంది. ఫలితంగా ఇతడిని కోచ్గా తక్షణమే తీసేసింది బరోడా క్రికెట్ అసోసియేషన్(బీసీఏ). ఈ విషయంపై ఓ నిజనిర్ధారణ కమిటీని వేసినట్లు బోర్డు తెలిపింది. గత నెల హిమాచల్ ప్రదేశ్లో జరిగిన ఓ వన్డేలో.. మహిళల సీనియర్ జట్టు సభ్యులతో అసభ్యంగా ప్రవర్తించినట్లు ఇతడిపై ఆరోపణలు వచ్చాయి.
1994లో భారత్ తరఫున 13 వన్డేలు ఆడిన అతుల్.. ఆశించిన మేర బ్యాటింగ్‌లో రాణించలేకపోయాడు. కెరీర్‌లో 22.57 సగటుతో 158 పరుగులు మాత్రమే చేశాడు. గతంలోనూ ఇతడు బరోడా పురుషుల జట్టుకు కోచ్గా సేవలందించాడు.
