కోచ్గా రెండో సారి బాధ్యతలు తీసుకున్న తర్వాత జట్టుకు సంబంధించి కొన్ని కీలక మార్పులపై దృష్టిపెట్టాడు రవిశాస్త్రి. వచ్చే ఏడాది జరుగనున్న టీ-20 ప్రపంచకప్, ప్రపంచ టెస్టు ఛాంపియన్షిప్ దృష్టిలో ఉంచుకుని యువ ఆటగాళ్ల వైపు మొగ్గు చూపనున్నట్లు చెప్పాడు.
"టీ-20 ప్రపంచకప్నకు సరిగ్గా ఏడాది మాత్రమే సమయం ఉంది. అనంతరం మరో 6, 7నెలల తర్వాత వరల్డ్ టెస్టు ఛాంపియన్షిప్ జరుగనుంది. ఇలాంటి తరుణంలో యువ ఆటగాళ్లను పైకి తీసుకురావాలనే మార్గం స్పష్టంగా కనిపిస్తోంది" -రవిశాస్త్రి, టీమిండియా ప్రధాన కోచ్
మూడు ఫార్మాట్లలోనూ సెకండ్ బెంచ్ను పటిష్ఠ పరచాలని రవిశాస్త్రి అన్నాడు.
"ప్రస్తుతం జట్టు నిలకడగా ఆడుతోంది. ఈ ప్రక్రియను ఇలాగే కొనసాగించాలి. అదే విధంగా యువతను ప్రోత్సహించి మూడు ఫార్మాట్లలో సెకండ్ బెంచ్ను బలంగా తయారు చేయాలి" -రవిశాస్త్రి, టీమిండియా ప్రధాన కోచ్
స్వదేశంలో దక్షిణాఫ్రికాతో జరుగనున్న టెస్టు సిరీస్లో నెగ్గి ప్రపంచ ఛాంపియన్షిప్లో పాయింట్లు మెరుగుపరచుకోవాలని తెలిపాడు రవిశాస్త్రి. గత మూడేళ్లుగా టెస్టుల్లో అగ్రస్థానంలో ఉన్నామని, ఇలాగే నిలకడగా ఆడి ప్రపంచ ఛాంపియన్షిప్ ఫైనల్లో సత్తాచాటాలని చెప్పాడు.
ఇది చదవండి: మన కోచ్లకు జీతాలు పెరిగినయ్..!
