అప్పట్లో ఇంగ్లాండ్తో జరిగిన యాషెస్ సిరీస్లో బాల్ ట్యాంపరింగ్కు పాల్పడ్డారు ఆస్ట్రేలియా క్రికెటర్లు డేవిడ్ వార్నర్, స్టీవ్ స్మిత్ . దీంతో వారిపై మండిపడ్డారు ఇంగ్లీష్ క్రీడాభిమానులు. ఇంగ్లాండ్ వేదికగా గతేడాది జరిగిన ప్రపంచకప్లోనూ వార్నర్, స్మిత్లను టార్గెట్ చేసుకుని విమర్శించారు.
అయితే ప్రస్తుతం ఖాళీ స్టేడియంలో ఇంగ్లాండ్తో ఆస్ట్రేలియా టీ20 సిరీస్ ఆడుతోంది. ఈ విషయమై స్పందించిన వార్నర్.. ప్రేక్షకులు లేకుండా క్రికెట్ ఆడటం కాస్త ఇబ్బందిగా అనిపించిందని చెప్పాడు. అయితే ఇలా జరగడం మంచిదేనన్నాడు. దీంతో తొలిసారిగా ఇక్కడి అభిమానుల తిట్ల నుంచి తప్పించుకున్నామని చెప్పుకొచ్చాడు.
ఆస్ట్రేలియాతో శుక్రవారం రాత్రి జరిగిన తొలి టీ20 మ్యాచ్లో ఆఖరి బంతి వరకూ పోరాడిన ఇంగ్లాండ్ జట్టు.. 2 పరుగుల తేడాతో విజయాన్ని అందుకుంది. అయితే ఈ మ్యాచ్లో తమ జట్టు మరింత మెరుగ్గా ఆడాల్సి ఉందని అభిప్రాయపడ్డాడు వార్నర్. ఏదేమైనప్పటికీ కరోనా తర్వాత మళ్లీ అంతర్జాతీయ క్రికెట్ ఆడటంపై హర్షం వ్యక్తం చేశాడు.
ఇదీ చూడండి 'అభిమానుల కోసం ఈసారి ఆర్సీబీ కప్ గెలుస్తుంది'
