సౌథాంప్టన్లో తొలి టీ20లో ఆస్ట్రేలియాపై ఇంగ్లాండ్ విజయం సాధించింది. భారత కాలమానం ప్రకారం శుక్రవారం రాత్రి జరిగిన ఈ మ్యాచ్లో మోర్గాన్ సేన రెండు పరుగుల తేడాతో గెల్చింది. డేవిడ్ మలన్(66).. ప్లేయర్ ఆఫ్ ది మ్యాచ్గా నిలిచాడు.
టాస్ ఓడి బ్యాటింగ్కు దిగిన ఇంగ్లాండ్ జట్టులో డేవిడ్ మలన్(66), బట్లర్(44) మాత్రమే రాణించారు. మిగతా బ్యాట్స్మెన్ రెండంకెల స్కోరు చేయలేకపోయారు. దీంతో నిర్ణీత ఓవర్లలో 7 వికెట్ల నష్టానికి 162 పరుగులు చేసింది. రిచర్డ్సన్, అగర్, మ్యాక్స్వెల్ తలో రెండో వికెట్లు పడగొట్టారు.
ఛేదనను ఆస్ట్రేలియా అద్భుతంగా ప్రారంభించింది. తొలి వికెట్కు ఓపెనర్లు ఫించ్(46)-వార్నర్(58).. 98 పరుగుల భాగస్వామ్యం నెలకొల్పారు. అనంతరం క్రీజులోకి వచ్చిన స్మిత్.. 124-2 స్కోరు ఉన్నప్పుడు 18 పరుగులు చేసి ఔటయ్యాడు. అనంతరం వరుసగా వికెట్లు పడగొట్టారు ఇంగ్లాండ్ బౌలర్లు. దీంతో 6 వికెట్ల కోల్పోయి 160 స్కోరు మాత్రమే చేసి ఓడిపోయింది.
