టీ20 ప్రపంచకప్లో పాల్గొనే ఆటగాళ్లను కనీసం రెండు వారాలు ఐసోలేషన్లో ఉంచాలని దక్షిణాఫ్రికా బ్యాట్స్మన్ డుప్లెసిస్ అంటున్నాడు. ఈ ఏడాది జరిగే టోర్నీ ప్రారంభానికి ముందు, పూర్తయిన తర్వాత క్వారంటైన్లో ఉంచాలని తెలిపాడు. ఆస్ట్రేలియా వేదికగా ఈ ఏడాది అక్టోబరు-నవంబరులో వరల్డ్కప్ జరగాల్సి ఉంది.
"ప్రస్తుత పరిస్థితుల్లో ప్రయాణం చేయడం కొన్ని దేశాలకు సమస్యగా ఉంటుందని నేను అనుకోవడం లేదు. ఇతర దేశాల మాదిరిగా ఆస్ట్రేలియా కరోనాకు ఎక్కువగా ప్రభావితం కాకపోయినా.. బంగ్లాదేశ్, దక్షిణాఫ్రికా, భారత్ వంటి దేశాల నుంచి ప్రయాణం చేయడం ప్రమాదకరమైనదే. ఇలాంటి పరిస్థితుల్లో టీ20 ప్రపంచకప్లో పాల్గొనడానికి వస్తోన్న ఆటగాళ్లను టోర్నీకి ముందు, తర్వాత రెండు వారాలు ఐసోలేషన్లో ఉంచితే సరిపోతుంది. కానీ, ప్రయాణాలపై నిషేధాన్ని దక్షిణాఫ్రికా ప్రభుత్వం ఎప్పుడు ఎత్తివేస్తుందో తెలియదు. ఎందుకంటే పాత రోజుల్లాగా సముద్ర ప్రయాణం చేయలేం కదా".
-డుప్లెసిస్, దక్షిణాఫ్రికా క్రికెటర్
మార్చిలో మూడు వన్డేల సిరీస్లో పాల్గొనడానికి భారత్కు వచ్చిన సఫారీ జట్టు.. ఒక్క మ్యాచ్ ఆడిన తర్వాత కరోనా ఉధృతి కారణంగా తిరుగుముఖం పట్టింది. కరోనా కారణంగా ప్రపంచవ్యాప్తంగా 44 లక్షలకు పైగా కేసులు నమోదవ్వగా.. 3 లక్షల మంది మరణించారు.
ఇదీ చూడండి.. ఖేల్రత్నకు అంజుమ్.. ద్రోణాచార్యకు రాణా నామినేట్!
