ప్రస్తుత క్రికెట్లో టీమిండియా కెప్టెన్ విరాట్ కోహ్లీ, ఆస్ట్రేలియా క్రికెటర్ స్మిత్ ఇద్దరూ ఇద్దరే. ఫార్మాట్ ఏదైనా సరే బ్యాటింగ్లో ఆకట్టుకుంటున్నారు. అయితే వీరిద్దరూ పరుగులు చేసే విధానం వేరువేరుగా ఉంటుందని చెప్పాడు డేవిడ్ వార్నర్. తాజాగా జరిగిన ఓ ఇంటర్వ్యూలో మాట్లాడుతూ తన అభిప్రాయాన్ని వెల్లడించాడు.
"విరాట్ క్రీజులోకి వచ్చిన తర్వాత కొంతసేపు నెమ్మదిగా ఆడతాడు. ఆ తర్వాత బౌలర్లపై ఆధిపత్యం చెలాయిస్తాడు. కానీ స్మిత్ మాత్రం వచ్చిరాగానే బంతిని బాదేయాలని అనుకుంటాడు. అతడు ఆటను ఎంతో ఆస్వాదిస్తాడు. వీరిద్దరూ అసలు ఔట్ కాకుడదనే క్రీజులోకి అడుగుపెడతారు. కోహ్లీ పరుగులు రాబట్టే విధానంతో పోలిస్తే స్మిత్ శైలి వేరుగా ఉంటుంది" -డేవిడ్ వార్నర్, ఆస్ట్రేలియా క్రికెటర్
వీరిద్దరూ మ్యాచ్లో మంచి ప్రదర్శన చేసినప్పుడు, మిగతా సభ్యుల్లోనూ మానసిక స్థైర్యం పెరుగుతుందని వార్నర్ చెప్పాడు. ప్రస్తుతం ఐపీఎల్లో హైదరాబాద్కు ఆడాల్సిన ఇతడు.. లాక్డౌన్ కారణంగా ఇంట్లోనే ఉన్నాడు. పలు టిక్టాక్ వీడియోలు చేస్తూ అభిమానుల్ని అలరిస్తున్నాడు.
