ఐపీఎల్ 13వ సీజన్ టైటిల్ స్పాన్సర్షిప్ హక్కులను డ్రీమ్ ఎలెవన్ దక్కించుకుంది. ఇందుకోసం దాదాపు రూ.222 కోట్ల భారీ మొత్తం చెల్లించినట్లు ఐపీఎల్ ఛైర్మన్ బ్రిజేష్ పటేల్ తెలిపారు. ఈ రేసులో టాటా మోటార్స్, అన్ అకాడమీ, పతంజలి, రిలయన్స్, బైజూస్ వంటి సంస్థలు పోటీపడ్డాయి.
భారత్-చైనా మధ్య ఉద్రిక్త పరిస్థితుల నేపథ్యంలో ఈ ఏడాది ఐపీఎల్ స్పాన్సర్షిప్ నుంచి వివో తప్పుకుంది. దీంతో కొత్త స్పాన్సర్ కోసం ఇటీవలే దరఖాస్తులను ఆహ్వానించింది బీసీసీఐ. తాజాగా ఎక్కువ మొత్తంలో బిడ్ దాఖలు చేసిన డ్రీమ్ ఎలెవన్ను ఐపీఎల్ 13వ సీజన్ టైటిల్ స్పాన్సర్గా ప్రకటించారు.
సెప్టెంబర్ 19 నుంచి యూఏఈ వేదికగా ఐపీఎల్ ప్రారంభం కానుంది. నవంబర్ 10 వరకు ఈ టోర్నీ జరగబోతుంది. అన్ని ఫ్రాంచైజీలు ఇప్పటికే సన్నాహాలు ముమ్మరం చేశాయి.
