ఆస్ట్రేలియా జట్టు కెప్టెన్సీ బాధ్యతలు తనకు అప్పగించే విషయమై చర్చలు జరుగుతున్నాయని స్టార్ బ్యాట్స్మన్ స్మిత్ చెప్పాడు. ఏ స్థానంలోనైనా సరే ఆడేందుకు సిద్ధంగా ఉన్నట్లు తెలిపాడు.
"నాకు కెప్టెన్సీ ఇవ్వాలా వద్దా అనే విషయమై చర్చలు జరుగుతున్నాయి. ఇది జరగాలంటే కొన్ని ప్రక్రియలు ఉంటాయి. కానీ అవేంటో నాకు తెలీదు. ప్రస్తుతానికి ఈ విషయం గురించి ఎక్కువగా ఆలోచించట్లేదు. జట్టు కోసం ఏం చేయడానికైనా సిద్ధంగా ఉన్నాను. ఇప్పుడు ఆడుతున్న స్థానంతో సంతృప్తిగానే ఉన్నాను. ఎక్కడ బ్యాటింగ్ చేయమన్నా చేస్తాను. ఇచ్చిన పని చేయడమే బ్యాట్స్మెన్ కర్తవ్యం"
-స్టీవ్ స్మిత్, ఆసీస్ స్టార్ బ్యాట్స్మన్
భవిష్యత్తులో ప్యాట్కమిన్స్ను వైస్ కెప్టెన్గా, కెప్టెన్లుగా మార్కస్ లబుషేన్, ట్రావిస్ హెడ్ ఉంటారని ఇటీవల క్రికెట్ ఆస్ట్రేలియా ప్రకటించింది.
2018లో బాల్ ట్యాంపరింగ్కు పాల్పడిన స్మిత్, వార్నర్.. ఏడాది పాటు నిషేధానికి గురయ్యారు. దీంతో సారథి బాధ్యతలు నుంచి స్మిత్, వైస్ కెప్టెన్ బాధ్యతల నుంచి వార్నర్ను తప్పించారు.
డిసెంబరు 17 నుంచి భారత్తో జరిగే తొలి టెస్టుకు ఓపెనర్ వార్నర్ గాయం కారణంగా దూరమయ్యాడు. అతడి స్థానంలో లబుషేన్, షాన్ మార్ష్, కామెరూన్ గ్రీన్ ఓపెనర్గా వచ్చే అవకాశముంది. వీరిలో ఎవరిని ఎంచుకుంటారు అని స్మిత్ను అడగ్గా.. "ఇది నా పని కాదు. సెలక్టర్లు నిర్ణయిస్తారు. ఈ ముగ్గురు అనుభవజ్ఞులైన ఆటగాళ్లు. వారికి అవకాశమిస్తే బాగా ఆడుతారు అనడంలో సందేహం లేదు. అటు బ్యాటు, ఇటు బంతితో అదరగొడతారు" అని చెప్పాడు.
భారత్ ఏ- ఆసీస్ ఏ జట్ల మధ్య జరిగిన వార్మప్ మ్యాచ్లో కంకషన్కు గురైన పుకోవిస్కీ గురించి స్మిత్ మాట్లాడుతూ.. "నెట్ ప్రాక్టీస్లో ఏ స్థానంలో బ్యాట్స్మన్ నిలబడాలి, బంతులను ఎలా ఎదుర్కొవాలి లాంటి అంశాల గురించి తెలుసుకోవాలంటే మరింత బాగా శిక్షణ అవసరం. అప్పుడే ఇలాంటి సందర్భాల నుంచి తప్పించుకోవడానికి అవకాశముంటుంది" అని చెప్పాడు. తాను షార్ట్పిచ్ బంతులను చాలాసార్లు ఎదుర్కొన్నానని వెల్లడించాడు.
ఇదీ చూడండి : 'జట్టును కాపాడేందుకే స్మిత్ అలా చేశాడు'
