టీమ్ఇండియా కెప్టెన్ విరాట్ కోహ్లీ.. ఆస్ట్రేలియాతో తొలి టెస్టు మొదటి ఇన్నింగ్స్లో త్వరగానే ఔటవ్వాలి. కానీ ఆసీస్ సారథి టిమ్ పైన్ డీఆర్ఎస్కు వెళ్లకపోవడం వల్ల తప్పించుకున్నాడు.
అసలేం జరిగింది?
రెండో సెషన్లో కోహ్లీ బ్యాటింగ్.. లైయన్ బౌలింగ్. నడుము ఎత్తులో వచ్చిన ఓ బంతి కోహ్లీ గ్లౌజ్ను తాకుతూ వెళ్లింది. స్టంప్స్ వెనుకున్న వికెట్ కీపర్ పైన్ దాన్ని క్యాచ్ పట్టాడు.
బౌలర్ లైయన్తో పాటు మిగతా ఆసీస్ ఆటగాళ్లు అప్పీల్ చేసినా సరే పైన్ రివ్యూ తీసుకోవడానికి నిరాకరించాడు. దీంతో విరాట్ ఔట్ నుంచి తప్పించుకున్నాడు. అయితే 74 పరుగులు చేసిన కోహ్లీ.. సమన్వయ లోపం వల్ల రనౌట్ అయ్యాడు. తొలిరోజు ఆటముగిసే సమయానికి 233/6తో నిలిచింది. క్రీజులో సాహా, అశ్విన్ ఉన్నారు.
