కరోనా మహమ్మారి కారణంగా ఈ పరిస్థితిలో ఎలాంటి బ్రాండ్లకు ప్రచారం చేయకూడదని నిర్ణయించుకున్నాడు మహేంద్రసింగ్ ధోనీ. బదులుగా సేంద్రీయ వ్యవసాయం చేస్తూ బిజీ అయిపోయాడు. పర్యావరణానికి అనుకూలమైన ఎరువుల తయారీ బ్రాండ్ను త్వరలో ప్రారంభించి, వాటికి బ్రాండ్ అంబాసిడర్గా వ్యవహరించనున్నాడు. ఈ విషయాన్ని అతడి మేనేజర్, చిన్ననాటి స్నేహితుడు మిహిర్ దివాకర్ వెల్లడించారు.
"దేశభక్తి ధోనీ రక్తంలోనే ఉంది. రక్షణ శాఖలో అయినా, వ్యవసాయ రంగంలోనైనా దేశానికి సేవచేయడం కోసమే అతను ఇష్టపడతాడు. ధోనీకి 40-50 ఎకరాలు పంటభూములు ఉన్నాయి. అందులో సేంద్రీయ పంటలైన అరటి, బొప్పాయిలను పండిస్తున్నారు. ప్రస్తుత సంక్షోభ పరిస్థితులు కుదట పడే వరకు ఎలాంటి బ్రాండ్కు ప్రచారం చేయనని అతడు నాతో చెప్పాడు"
- మిహిర్ దివాకర్, ధోనీ మేనేజర్
"మాకు కొంతమంది వ్యవసాయ రంగ నిపుణులు, శాస్త్రవేత్తలు ఉన్నారు. వారు అభివృద్ధి చేసిన సేంద్రీయ ఎరువులను రెండు-మూడు నెలలో మార్కెట్లో ప్రవేశపెట్టనున్నాం. ధోనీతో గతరాత్రే మాట్లాడాను. కుటుంబంతో కలిసి తన పుట్టినరోజు జరుపుకుంటున్నానని చెప్పాడు" అని దివాకర్ తెలిపారు. రిటైర్మెంట్ గురించి ధోనీ ప్రస్తుతం ఆలోచించడం లేదని.. ఐపీఎల్లో పాల్గొనే క్రమంలో కరోనా వ్యాప్తి కారణంగా టోర్నీ రద్దయిందని అన్నారు.
ఇదీ చూడండి... టాప్-6: ధోనీ కెరీర్లో గుర్తుండిపోయే ఇన్నింగ్స్లు
