ఐపీఎల్​ 14: చెన్నై సూపర్ కింగ్స్ కొత్త జెర్సీ చూశారా?

రానున్న ఐపీఎల్​ సీజన్ కోసం కొత్త జెర్సీని ఆవిష్కరించింది చెన్నై సూపర్ కింగ్స్​ జట్టు యాజమాన్యం. ముందు భాగంలో మూడు స్టార్లతో పాటు సాయుధ దళాల సేవలకు నివాళిగా ఆర్మీ బ్యాండ్ జెర్సీపై​ కనిపించేలా దీన్ని రూపొందించారు.

ఐపీఎల్ 14వ సీజన్​ కోసం చెన్నై సూపర్​ కింగ్స్​ జట్టు కొత్త జెర్సీని ప్రకటించింది. ముందు భాగంలో మూడు స్టార్లతో పాటు సాయుధ దళాల సేవలకు నివాళిగా జెర్సీని రూపొందించింది సీఎస్కే. 2010, 2011, 2018లలో మూడు సార్లు ధోనీ సారథ్యంలోని చెన్నై జట్టు ఐపీఎల్​ ట్రోఫీని అందుకుంది. ఇందుకు గుర్తుగా ఈ మూడు స్టార్లను జెర్సీపై ఉంచింది చెన్నై. కొత్త జెర్సీకి సంబంధించిన ఓ చిన్న వీడియోను ట్విట్టర్​లో పంచుకుంది ఆ జట్టు ఫ్రాంచైజీ. ఇందులో జట్టు కెప్టెన్ మహేంద్ర సింగ్ ధోనీ కనిపించాడు.

• Thala Dharisanam! #WearOnWhistleOn with the all new #Yellove! #WhistlePodu 💛🦁
  🛒 - https://t.co/qS3ZqqhgGe pic.twitter.com/Gpyu27aZfL

  — Chennai Super Kings (@ChennaiIPL) March 24, 2021 " class="align-text-top noRightClick twitterSection" data="

  Thala Dharisanam! #WearOnWhistleOn with the all new #Yellove! #WhistlePodu 💛🦁
  🛒 - https://t.co/qS3ZqqhgGe pic.twitter.com/Gpyu27aZfL

  — Chennai Super Kings (@ChennaiIPL) March 24, 2021

  ">

  Thala Dharisanam! #WearOnWhistleOn with the all new #Yellove! #WhistlePodu 💛🦁
  🛒 - https://t.co/qS3ZqqhgGe pic.twitter.com/Gpyu27aZfL

  — Chennai Super Kings (@ChennaiIPL) March 24, 2021

"సాయుధ దళాలకు సంబంధించి నిస్వార్థ పాత్ర గురించి అవగాహన పెంచడానికి ప్రయత్నించాలనుకున్నాం. చివరికి ఈ విధంగా సాధ్యమైంది. వారు నిజమైన హీరోలు" అని జెర్సీ ఆవిష్కరణ సందర్భంగా సీఎస్కే సీఈఓ విశ్వనాథన్ వెల్లడించాడు.

సీఎస్కే.. సాయుధ దళాలపై తమకున్న ప్రత్యేక ప్రేమను చాటుకుంది. 2019 ఐపీఎల్​కు ముందు కూడా రూ.2 కోట్ల చెక్కును సాయుధ బలగాలకు అందించింది. జెర్సీ భుజ భాగంలో ఆర్మీ గోల్డ్​ బ్యాండ్​ కనిపించేలా తయారు చేశారు. ఇది సీఎస్కే నిలకడకు, ఫెయిర్ ప్లేకు నిదర్శనమని చెన్నై భావిస్తోంది. మొత్తం 11 సీజన్లలో చెన్నై 5 సార్లు ఫెయిర్​ ప్లే అవార్డును కైవసం చేసుకుంది.

కాగా, ధోనీ గౌరవ లెఫ్టినెంట్ కర్నల్​గా వ్యవహరిస్తున్నాడు. 2019లో పారాచూట్​ శిక్షణ కూడా తీసుకున్నాడు. నకలు జెర్సీ కావాల్సిన అభిమానులు తమ వెబ్​సైట్​ను సందర్శించాలని సీఎస్కే పేర్కొంది.

ఇదీ చదవండి: జకోవిచ్‌ను లొంగదీసుకుంటే డబ్బులిస్తామన్నారు!‌