కరోనా ప్రభావం.. ఐసీసీ వీడియో కాన్ఫరెన్స్​ సమావేశం

అంతర్జాతీయ క్రికెట్ మండలి సమావేశాలకు కరోనా దెబ్బ తగిలింది. తాజాగా జరగాల్సిన సమావేశాలు మే నెలకు వాయిదాపడ్డాయి. సత్వరం నిర్ణయం తీసుకునే అంశాలపై మాత్రం ఈనెల చివరి వారంలో వీడియో కాన్ఫరెన్స్ ద్వారా చర్చించనున్నారు.

కరోనా వైరస్​ కారణంగా అంతర్జాతీయ క్రికెట్ మండలి సమావేశాలు జరిగే వీలు లేకుండా పోయింది. అందువల్ల వీటిని కాన్ఫరెన్స్ ద్వారా నిర్వహించాలని ఐసీసీ నిర్ణయించింది. ఈనెల చివరి వారంలో (26-29) దుబాయ్ వేదికగా ఈ మీటింగ్ జరగనుంది.

ఇందులో సత్వరం నిర్ణయం తీసుకునే అంశాలపై వీడియో కాన్ఫరెన్స్ ద్వారా చర్చించనున్నారు. పూర్తి షెడ్యూల్ సమావేశాలు మే నెలకు వాయిదాపడ్డాయి.