కరోనా కట్టడి కోసం పోరాడుతున్న ఆసుపత్రులకు విరాళాలు అందించేందుకు సిద్ధమయ్యాడు ఇంగ్లాండ్ స్టార్ ఆల్రౌండర్ బెన్ స్టోక్స్. ఇందులో భాగంగా నేడు తొలిసారిగా, హాఫ్ మారథాన్(21 కిలోమీటర్లు) పూర్తి చేయనున్నాడు. తద్వారా వచ్చిన మొత్తాన్ని బ్రిటన్ జాతీయ ఆరోగ్య సేవల విభాగంతో పాటు ఛాన్స్ టు షైన్ ఫౌండేషన్కు అందించనున్నాడు. ఈ విషయం చెబుతూ ఇన్స్టాలో వీడియో పోస్ట్ చేశాడు.
- " class="align-text-top noRightClick twitterSection" data="
">
ఈ హాఫ్ మారథాన్ గురించి ఎప్పటి నుంచో ఆలోచిస్తున్నానని, ఇదే మంచి అవకాశమని చెప్పాడు స్టోక్స్. ఈ క్రికెట్ గార్డెన్ మారథాన్కు ప్రజలు ఎక్కువ సంఖ్యలో విరాళాలు అందించేలా, వారికి స్ఫూర్తి కలిగిస్తానని అన్నాడు.
తాజాగా ప్రపంచ విజ్డెన్ లీడింగ్ క్రికెటర్గా నిలిచిన స్టోక్స్.. 2005 తర్వాత ఈ ఘనత సాధించిన ఇంగ్లాండ్ ఆటగాడిగా నిలిచాడు. ఆండ్రూ ఫ్లింటాఫ్ అప్పుడు ఈ పురస్కారం దక్కించుకున్నాడు. గతేడాది జరిగిన వన్డే ప్రపంచకప్లోనూ అదరగొట్టిన స్టోక్స్.. తమ జట్టు తొలిసారి విజేతగా నిలవడంలో కీలక పాత్ర పోషించాడు. 'ఐసీసీ క్రికెటర్ ఆఫ్ ది ఇయర్'గాను నిలిచాడు.
