ఐపీఎల్ షెడ్యూల్ వచ్చేసింది. దీంతో మహేంద్రసింగ్ ధోనీ సారథ్యంలోని చెన్నై సూపర్ కింగ్స్ సాధన మొదలు పెట్టింది. నిర్ణీత క్వారంటైన్ వ్యవధిలో కరోనా టెస్టులు విజయవంతంగా పూర్తి చేసుకున్న సూపర్కింగ్స్ ఆటగాళ్లు నెట్స్లోకి వచ్చారు. ధోనీతో పాటు అంబటి రాయుడు, రుతురాజ్ గైక్వాడ్, జగదీశన్, సాయి కిశోర్, హరి నిశాంత్ తదితరులు సోమవారం నుంచే సాధన మొదలుపెట్టారు. కొత్తగా జట్టులోకి వచ్చిన ఆంధ్ర కుర్రాడు హరిశంకర్ రెడ్డి కూడా చెన్నైతో చేరాడు.
"క్వారంటైన్ నిబంధనలను పూర్తి చేసిన చెన్నై ఆటగాళ్లు సోమవారం నుంచే సాధన మొదలుపెట్టారు. త్వరలోనే మిగిలిన ఆటగాళ్లు కూడా వీరితో కలుస్తారు" అని సీఎస్కే వర్గాలు తెలిపాయి. ఇటీవల మినీ వేలంలో మొయిన్ అలీ (రూ.7 కోట్లు), గౌతమ్ (రూ.9.25 కోట్లు), పుజారా (రూ.50 లక్షలు)లను చెన్నై కొనుగోలు చేసింది. ఐపీఎల్ వచ్చే నెల 9న ప్రారంభం కానుంది. తన తొలి పోరులో (ఏప్రిల్ 10) దిల్లీ క్యాపిటల్స్తో చెన్నై తలపడనుంది.
ఇదీ చదవండి: ఇర్ఫాన్, గోనీ పోరాటం వృథా.. భారత్కు తొలి ఓటమి
