అత్యుత్తమ క్రికెటర్లతో ఉత్తమ టెస్టు క్రికెట్ జట్టును రూపొందించాడు ఆస్ట్రేలియా మాజీ క్రికెటర్ బ్రాడ్ హాగ్. కానీ, అందులో టీమ్ఇండియా కెప్టెన్ విరాట్ కోహ్లీకి స్థానం కల్పించలేదు. మొత్తం నలుగురు భారత క్రికెటర్లకు చోటిచ్చాడు.
ఓపెనర్లుగా రోహిత్ శర్మ.. ప్రపంచ టెస్టు ఛాంపియన్షిప్లో డబుల్ సెంచరీ సాధించిన మయాంక్ అగర్వాల్తో పాటు 3,4 స్థానాల్లో లబుషేన్, స్టీవ్ స్మిత్లకు స్థానం కల్పించాడు. తర్వాత పాకిస్థాన్ కెప్టెన్ బాబర్ అజామ్, అజింక్య రహానె, క్వింటన్ డికాక్ ఉన్నారు. బౌలింగ్లో ముగ్గురు పేసర్లు పాట్ కమిన్స్, మహ్మద్ షమీ, నీల్ వాగ్నర్లను ఎంపిక చేశాడు. కెప్టెన్గా డికాక్ను నియమించాడు.
"కోహ్లీని జట్టులోకి ఎంపిక చేయకపోవడంపై పలువురు ప్రశ్నించే అవకాశం ఉంది. గత 15 టెస్టు ఇన్నింగ్స్లో కేవలం నాలుగుసార్లు మాత్రమే అతను 31 పైగా పరుగులను సాధించాడు. అందుకే అతడికి జట్టులో స్థానం కల్పించలేదు. బాబర్ అజామ్ గతేడాది ఆస్ట్రేలియా సిరీస్లో శతకాన్ని సాధించాడు. విదేశీ గడ్డపై నిలకడ రాణించడం కష్టం. అందువల్ల బాబర్ను ఎంపిక చేశా".
- బ్రాడ్ హాగ్, ఆస్ట్రేలియా మాజీ క్రికెటర్
బ్రాడ్ హాగ్ టెస్టు ఎలెవన్
మయాంక్ అగర్వాల్, రోహిత్ శర్మ, లబుషేన్, స్టీవ్ స్మిత్, బాబర్ అజామ్, అంజిక్య రహానె, క్వింటన్ డికాక్(కెప్టెన్, వికెట్ కీపర్), పాట్ కమిన్స్, మహ్మద్ షమీ, నీల్ వాగ్నర్, నాథన్ లియోన్.
ఇదీ చూడండి... అత్యధికంగా ఆర్జిస్తున్న మహిళా అథ్లెట్గా ఒసాకా
