ఆస్ట్రేలియాతో జరుగుతోన్న చివరిదైన నాలుగో టెస్టులో టీమ్ఇండియా ఆసీస్ బౌలర్లను దీటుగా ఎదుర్కొంటోంది. మూడో రోజు ఆటలో టీ బ్రేక్ సమయానికి తొలి ఇన్నింగ్స్లో ఆరు వికెట్లు కోల్పోయి 253 పరుగులు చేసింది.
భోజన విరామం తర్వాత తొలి ఓవర్‌లోనే మయాంక్‌ అగర్వాల్‌(38; 75 బంతుల్లో 3x4, 1x6) ఔటయ్యాడు. హేజిల్వుడ్ వేసిన 60 ఓవర్ రెండో బంతికి స్లిప్‌లో స్టీవ్‌స్మిత్‌ చేతికి చిక్కాడు. దీంతో భారత్ 161 పరుగుల వద్ద ఐదో వికెట్ కోల్పోయింది. ఆ తర్వాత రిషభ్ పంత్(23) కూడా హేజిల్వుడ్ బౌలింగ్లోనే 186 పరుగుల వద్ద ఆరో వికెట్‌గా వెనుదిరిగాడు. హేజిల్వుడ్ బౌలింగ్లోనే మూడో స్లిప్‌లో గ్రీన్‌ చేతికి చిక్కాడు.
ప్రస్తుతం క్రీజులో ఉన్న సుందర్(38), శార్దూల్ ఠాకూర్(33) ఆచితూచి ఆడుతున్నారు. ఏడో వికెట్కు 67 పరుగులు జోడించారు. ఆసీస్ తొలి ఇన్నింగ్స్లో 369 పరుగులకు ఆలౌట్ అయింది.
