ప్రస్తుతం ఉన్న క్రికెటర్లలో ఇంగ్లాండ్ ఆటగాడు బెన్ స్టోక్స్ అత్యుత్తమ ఆల్రౌండర్ అని అభిప్రాయపడ్డాడు టీమ్ఇండియా మాజీ క్రికెటర్ ఆకాశ్ చోప్రా. వెస్టిండీస్తో జరుగుతోన్న రెండో టెస్టు తొలి ఇన్నింగ్స్లో సెంచరీతో ఇంగ్లీష్ జట్టుకు ఆధిక్యాన్ని ఇచ్చాడు స్టోక్స్. ఈ సందర్భంగా ఆకాశ్ ఈ విధంగా స్పందించాడు.
"ప్రస్తుత సమయంలో బెన్ స్టోక్స్ అత్యుత్తమ ఆల్రౌండర్. అందులో ఎలాంటి సందేహం లేదు. అన్ని ఫార్మాట్లలోనూ అతడే ఉత్తమం. టెస్టుల్లో 43, వన్డేల్లో 59 సగటుతో అతడు అద్భుత ప్రదర్శన చేస్తున్నాడు. అలాగే బౌలింగ్లోనూ సత్తాచాటుతున్నాడు. షకిబుల్ హసన్, రవీంద్ర జడేజాలు తర్వాత స్థానాల్లో ఉంటారు."
-ఆకాశ్ చోప్రా, టీమ్ఇండియా మాజీ క్రికెటర్
వెస్టిండీస్తో జరుగుతోన్న రెండో టెస్టు తొలి ఇన్నింగ్స్లో స్టోక్స్ 356 బంతులాడి 176 పరుగులు చేశాడు. టెస్టు కెరీర్లో ఇతడికి ఇది 10వ శతకం. విండీస్పై రెండోది.
