మహిళల దేశవాళీ క్రికెట్ సీజన్ను ఈ మార్చిలో ఆరంభించాలని బీసీసీఐ భావిస్తోంది. ఆదివారం జరిగిన బోర్డు అపెక్స్ కౌన్సిల్ సమావేశంలో ఈ విషయంపై చర్చించినట్లు సమాచారం. కానీ ఈసారి రంజీ ట్రోఫీ నిర్వహించాలా లేదా విజయ్ హజారేతో సర్దుబాటు చేయాలా అన్న విషయంలో ఎలాంటి నిర్ణయం తీసుకోలేదని తెలిసింది. వీలైనంత త్వరగా రంజీ ట్రోఫీ నిర్వహించాలని బీసీసీఐ అధ్యక్షుడు గంగూలీ పట్టుదలతో ఉన్నాడు. కానీ కొంత మంది సభ్యులు మాత్రం విజయ్ హజారెకు ఓటు వేస్తున్నారు.
"రంజీ ట్రోఫీని యథావిధిగా నిర్వహించాలని అధ్యక్షుడు గంగూలీ భావిస్తున్నాడు. కానీ దీనికి బదులు విజయ్ హజారె నిర్వహిస్తే మేలని కొందరి అభిప్రాయం. ప్రస్తుతం ఉన్న పరిస్థితుల్లో వివిధ వేదికల్లో రంజీ ట్రోఫీ నిర్వహణ సాధ్యాసాధ్యాలపై చర్చలు జరిగాయి. రంజీనా లేక విజయ్ హజారేనా అనేది వచ్చే వారం చివర్లో తేలనుంది. అయితే మహిళల దేశవాళీ క్రికెట్ మార్చిలో ఆరంభమయ్యే అవకాశాలున్నాయి." అని బీసీసీఐ అధికారి ఒకరు తెలిపారు.
ఇదీ చూడండి: బీసీసీఐ ఉపాధ్యక్షుడు రాజీవ్ శుక్లాపై ఫిర్యాదు
