ఇంగ్లాండ్తో టీ20 సిరీస్కు ఎంపికైన భారత ఆటగాళ్లు మార్చి 1న రిపోర్టు చేయాలని బీసీసీఐ పేర్కొంది. ఓపెనర్ శిఖర్ ధావన్తో పాటు ప్రస్తుతం విజయ్ హజారే టోర్నీలో ఆడుతున్న ఇషాన్ కిషన్, సూర్యకుమార్ యాదవ్, రాహుల్ తెవాతియాలను అహ్మదాబాద్లో నివేదిక సమర్పించాలని బోర్డు తెలిపింది. దీంతో తదుపరి హజారే మ్యాచ్లకు వీరు దూరం కానున్నారు.
"విజయ్ హజారే టోర్నీలో ఆడుతున్న యువ ఆటగాళ్లతో పాటు శిఖర్ ధావన్ మార్చి 1న అహ్మదాబాద్లో రిపోర్టు చేయాలి. కరోనా మార్గదర్శకాలకు అనుగుణంగా వారు మరో బయో బబుల్లో ఉండాల్సిన అవసరం ఉంది" అని డీడీసీఏ అధికారి ఒకరు పేర్కొన్నారు.
ఇంగ్లాండ్తో 5 మ్యాచ్ల టీ20 సిరీస్ మార్చి 12-20 వరకు జరుగనుంది. ఇందుకోసం 19 మందితో కూడిన భారత జట్టును యాజమాన్యం శనివారం ప్రకటించింది. 3 మ్యాచ్ల వన్డే సిరీస్ మార్చి 23-28 వరకు జరుగనుంది.
ఇదీ చదవండి: 'స్వదేశంలో అనుకూల పిచ్లు మామూలు విషయమే'
