ఇటీవలే జరిగిన ప్రపంచకప్లో ఇంగ్లాండ్ విజేతగా నిలిచింది. ఆటగాళ్లను అద్భుతంగా తీర్చిదిద్దిన కోచ్ ట్రేవర్ బేలిస్కు ప్రశంసలు దక్కుతున్నాయి. అతడిని ఐపీఎల్ జట్టు సనైరైజర్స్ హైదరాబాద్ హెడ్ కోచ్గా నియమించుకుంది. వచ్చే సీజన్ నుంచి బాధ్యతలు తీసుకోనున్నాడు. ఇంతకు ముందు ఆస్ట్రేలియాకు చెందిన టామ్ మూడీ.. ఐపీఎల్లో హైదరాబాద్ జట్టు కోచ్గా వ్యవహరించాడు.
"ఎన్నో చర్చల తర్వాత సన్రైజర్స్ హైదరాబాద్ యాజమాన్యం కొత్తగా హెడ్ కోచ్ను నియమించాలని నిర్ణయించింది. ఇంగ్లాండ్కు ప్రస్తుతం కోచ్గా వ్యవహరిస్తున్న బేలిస్ వచ్చే సీజన్ నుంచి మా జట్టుతో కలవనున్నాడు. ఐపీఎల్లో ఇప్పటికే కోల్కతాకు రెండు ట్రోఫీలు అందించాడు. బిగ్ బాష్ లీగ్లోనూ సిడ్నీ సిక్సర్స్ను విజేతగా నిలిపాడు. అతడి నేతృత్వంలో హైదరాబాద్ జట్టు రాణిస్తుందని అనుకుంటున్నాం" -సన్రైజర్స్ యాజమాన్యం
వచ్చే నెలలో జరిగే యాషెస్ సిరీస్ తర్వాత ఇంగ్లాండ్ కోచ్ స్థానం నుంచి వైదొలగనున్నాడు బేలిస్.
గత ఏడేళ్లుగా జట్టు కోచ్గా ఉన్న టామ్ మూడీకి ధన్యవాదాలు తెలిపింది సన్రైజర్స్ హైదరాబాద్.
"టామ్ మూడీకు ధన్యవాదాలు. గత ఏడేళ్లలో 5 సార్లు జట్టు ఫ్లేఆఫ్స్కు అర్హత సాధించడంలో సహాయపడ్డాడు. 2016లో ట్రోఫీ గెలుచుకోవడంలో భాగంగా నిలిచాడు"
-సన్రైజర్స్ హైదరాబాద్ యాజమాన్యం
ఇది చదవండి: 44 ఏళ్లలో రాని కప్పు 4 ఏళ్లలో.. కారణాలివే!
