'బంగ్లాపై విజయం... భారత్​కు ఉత్సాహాన్నిచ్చే అంశం'

ప్రాక్టీస్ మ్యాచ్​లో బంగ్లాదేశ్​పై గెలవడం భారత క్రికెట్​ జట్టుకు ఉత్సాహన్నిచ్చే అంశమని టీమిండియా పేసర్ భువనేశ్వర్ కుమార్ చెప్పాడు. ఇక్కడ ఇంతకు ముందు ఆడిన అనుభవం తనకు ఉపయోగపడుతుందని తెలిపాడు.

బంగ్లాదేశ్​తో మంగళవారం జరిగిన ప్రాక్టీస్​ మ్యాచ్​లో విజయం సాధించింది టీమిండియా. ఈ గెలుపు ప్రపంచకప్​లో పాల్గొనే భారత జట్టుకు ఉత్సాహాన్నిస్తుందని అంటున్నాడు పేసర్ భువనేశ్వర్ కుమార్. జూన్​ 5న దక్షిణాఫ్రికాతో తొలి మ్యాచ్​ ఆడనుంది టీమిండియా.

తొలి ప్రాక్టీస్ మ్యాచ్​లో న్యూజిలాండ్​ చేతిలో ఓడింది భారత్​. మంగళవారం బంగ్లాదేశ్​తో వార్మప్ మ్యాచ్​లో అన్ని విభాగాల్లోనూ రాణించి విజయం సాధించింది. ఇదే ఊపుతో ప్రపంచకప్​లో పాల్గొనుంది.

కెప్టెన్ కోహ్లీతో బౌలర్ భువనేశ్వర్ కుమార్

"బ్యాటింగ్​, బౌలింగ్​కు ఇక్కడ కష్టమైన పరిస్థితులు ఎదురయ్యాయి. కానీ ఆ రెండు విభాగాల్లోనూ రాణించాం. ఇది ప్రపంచకప్​లో పాల్గొనే భారత జట్టుకు ఉత్సాహాన్నిచ్చే అంశం. దక్షిణాఫ్రికాతో తొలి మ్యాచ్​కు వారం రోజులు వ్యవధి ఉన్న నేపథ్యంలో ప్రణాళికలు రచిస్తున్నాం" - భువనేశ్వర్ కుమార్, టీమిండియా బౌలర్

ప్రపంచకప్​ లాంటి మెగాటోర్నీలో ఒత్తిడిని జయించి ఆడటమే పెద్ద సవాలు అని చెప్పాడు భువీ. ఇక్కడ ఇంతకు ముందు ఆడిన అనుభవం తనకు ఉపయోగపడుతుందని తెలిపాడు.

బౌలింగ్ చేస్తున్న భువనేశ్వర్ కుమార్

ప్రస్తుతం ప్రపంచకప్​లో తన బ్యాటింగ్​కు సంబంధించిన విషయంపైనా స్పందించాడీ టీమిండియా పేసర్.

" నా బ్యాటింగ్​ బలమేంటో నాకు తెలుసు. నెట్స్​లో తీవ్రంగా శ్రమిస్తున్నాను. జట్టుకు అవసరమైనప్పుడు ముందుకొచ్చేందుకు సిద్ధంగా ఉన్నాను." -భువనేశ్వర్ కుమార్, టీమిండియా బౌలర్