ఒకటి నుంచి మూడు వరకు ఏ స్థానంలో ఆడడానికైనా తాను సిద్ధమని ఆస్ట్రేలియా బ్యాట్స్మన్ మార్నస్ లబుషేన్ చెప్పాడు. డేవిడ్ వార్నర్, పకోస్కీలు ఇద్దరూ తొలి టెస్టుకు దూరం కావడంతో పాటు జో బర్న్స్ అంతగా ఫామ్లో లేని నేపథ్యంలో ఆస్ట్రేలియా లబుషేన్ ఓ ఓపెనింగ్ ప్రత్యామ్నాయం. అయితే జట్టుతో తన స్థానంపై ఎలాంటి చర్చ జరగట్లేదని అతడు చెప్పాడు.
"నా బ్యాటింగ్ స్థానంపై జట్టులో ఎలాంటి చర్చ జరగట్లేదు. ప్రస్తుతం నాది మూడో స్థానం అనుకుంటున్నా. అయినే నేను 1 నుంచి మూడో స్థానం వరకు ఎక్కడ ఆడడానికైనా సిద్ధంగా ఉన్నా. ఎలాంటి పరిస్థితుల్లోనైనా బంతిని ఎదుర్కోవడానికి నేను సిద్ధం" అని లబుషేన్ చెప్పాడు.
ఆసీస్ జట్టులో హారిస్
భారత్తో తొలి టెస్టు కోసం గాయపడ్డ విల్ పకోస్కి స్థానంలో మార్కస్ హారిస్ ఆస్ట్రేలియా జట్టుకు ఎంపికయ్యాడు. ఆస్ట్రేలియా-ఏ తరఫున భారత్-ఏతో ప్రాక్టీస్ మ్యాచ్లో ఆడుతూ పకోస్కి కంకషన్కు గురయ్యాడు. హారిస్ ఇంతకముందుకు 9 టెస్టులు ఆడాడు. పకోస్కి, వార్నర్ రెండో టెస్టు సమయానికి కోలుకుంటారని క్రికెట్ ఆస్ట్రేలియా ఆశాభావం వ్యక్తం చేసింది.
ఇదీ చూడండి : సచిన్ పేరు మీద స్టేడియం.. భాజపా ఎంపీ వెల్లడి
