వన్డే సిరీస్ కోల్పోయినా సరే చివరి మ్యాచ్లో గెలిచి పరువు నిలుపుకొంది టీమ్ఇండియా. ఆ విజయం ఇచ్చిన ఉత్సాహంతోనే ఇప్పుడు టీ20 సిరీస్కు సిద్ధమవుతోంది. కాన్బెర్రా వేదికగా శుక్రవారం తొలి మ్యాచ్ జరగనుంది. భారత కాలమానం ప్రకారం మధ్యాహ్నం 1:40 గంటలకు ఈ పోరు ప్రారంభమవుతుంది. ఈ నేపథ్యంలో ఇరుజట్ల బలాబలాలు ఏంటో ఓ సారి పరిశీలిద్దాం.
కుర్రాళ్లతో భారత జట్టు సమతూకం!
వన్డే సిరీస్లో భారత్ ఓటమికి కారణాలు ఏమైనప్పటికీ, టీ20ల్లో మాత్రం కోహ్లీసేనకు విజయావకాశాలు ఎక్కువగా ఉన్నాయి. ఇటీవల జరిగిన ఐపీఎల్లో జట్టులోని కుర్రాళ్లందరూ అద్భుతంగా రాణించారు. ఆ ఫామ్ను ఈ సిరీస్లో కొనసాగిస్తే మ్యాచ్లు గెలవడం పెద్ద కష్టమేమి కాదు.
వన్డేల్లో మిడిలార్డర్లో వచ్చిన కేఎల్ రాహుల్.. ఈ సిరీస్లో ధావన్తో కలిసి ఓపెనింగ్ చేసే అవకాశముంది. నాలుగులో శ్రేయస్ అయ్యర్ లయను అందుకోవాలని యాజమాన్యం భావిస్తోంది. హార్దిక్ పాండ్యా, జడేజా.. బ్యాటుకు పనిచెప్పేందుకు సిద్ధమవుతున్నారు.
బౌలింగ్లో సుందర్, దీపక్ చాహర్, యార్కర్ స్పెషలిస్టు నటరాజన్కు చోటు దక్కే అవకాశాలు ఎక్కువగా ఉన్నాయి. మరి బుమ్రాతో కొత్త బంతిని పంచుకునేది షమీనా, నటరాజన్ అనేది చూడాలి.
మూడో వన్డేలో కొద్దిలో ఓడిపోయిన ఆస్ట్రేలియా.. తిరిగి పుంజుకోవాలని చూస్తోంది. జట్టులోని కీలక ఆటగాళ్లకు గాయాలు కావడం ఆసీస్ మేనేజ్మెంట్ను కలవరపరుస్తున్న అంశం. మరి తొలి టీ20లో ఫించ్ సేన ఏం చేస్తుందో చూడాలి?
జట్లు(అంచనా)
టీమ్ఇండియా: కేఎల్ రాహుల్, శిఖర్ ధావన్, కోహ్లీ(కెప్టెన్), శ్రేయస్ అయ్యర్, హార్దిక్ పాండ్యా, జడేజా, వాషింగ్టన్ సుందర్, దీపక్ చాహర్, కుల్దీప్ యాదవ్, షమీ, బుమ్రా
ఆస్ట్రేలియా: ఫించ్(కెప్టెన్), లబుషేన్, స్మిత్, హెన్రిక్స్, కామెరూన్ గ్రీన్, మ్యాక్స్వెల్, క్యారీ, అగర్, హేజిల్వుడ్, స్టార్క్, జంపా
