టీమ్ఇండియా కెప్టెన్ విరాట్ కోహ్లీ.. మాజీ సారథి ధోనీ రికార్డును అధిగమించాడు. స్వదేశంలో టెస్టుల్లో అత్యధిక విజయాలు అందించిన కెప్టెన్గా సరికొత్త ఫీట్ సాధించాడు. భారత్ వేదికగా 29 టెస్టుల్లో టీమ్ఇండియాకు సారథిగా వ్యవహరించిన విరాట్.. 22 మ్యాచ్లు గెలుపొందాడు.
కోహ్లీ తర్వాతి స్థానంలో మహి ఉన్నాడు. సొంత గడ్డపై 30 టెస్టులకు కెప్టెన్గా ఉన్న ధోనీ.. 21 విజయాలు సాధించాడు. తాజాగా అహ్మదాబాద్ వేదికగా జరిగిన పింక్ టెస్టులో భారత్ పది వికెట్ల తేడాతో విజయం సాధించింది. నాలుగు మ్యాచ్ల టెస్టు సిరీస్లో కోహ్లీ సేన 2-1 ఆధిక్యంలో ఉంది.
ఇదీ చదవండి: 2 రోజుల్లోనే ముగిసిన పింక్ టెస్టు- భారత్దే విజయం
