ఇంగ్లాండ్తో జరగనున్న 5 మ్యాచ్ల టీ20 సిరీస్ జట్టులో చోటు సంపాందించిన బ్యాట్స్మన్ సూర్యకుమార్ యాదవ్.. కోహ్లీ ఆధ్వర్యంలో ఆడటం తన కల అని అన్నాడు. జట్టులో తనను ఎంపిక చేసినట్లు తెలియగానే భావోద్వేగానికి గురై కన్నీరు పెట్టుకున్నట్లు తెలిపాడు.
"జట్టుకు ఎంపికైనట్లు తెలియగానే భావోద్వేగానికి గురయ్యా. గదిలో కూర్చుని సినిమా చూద్దామని అనుకునే సమయానికి.. ఫోన్కు ఓ మెసేజ్ వచ్చింది. ఇంగ్లాండ్తో జరగనున్న టీ20 సిరీస్కు ఎంపికైనట్లు తెలిసింది. వెంటనే అమ్మ, నాన్న, భార్య, చెల్లికి వీడియో కాల్ చేశా. ఈ వార్త చెప్పగానే అందరూ భావోద్వేగంతో ఏడవటం మొదలుపెట్టారు." అని సూర్యకుమార్ చెప్పినట్లు బీసీసీఐ తెలిపింది.
''నాతో పాటు నా కుటుంబ సభ్యులు కూడా నేనెప్పుడు జాతీయ జట్టుకు ఆడతానోనని కలల కన్నారు. అందులోనే జీవించారు. నాకెప్పుడూ అండగా ఉన్నారు. వాళ్లిప్పుడు సంతోషంగా ఉన్నందుకు.. నాకు ఆనందబాష్పాలు వస్తున్నాయి. ప్రతి ఒక్కరూ టీమ్ఇండియాకు ఆడాలని కలలు కంటారు. కానీ.. ఇప్పుడు నాకు టైమొచ్చింది.''
- సూర్యకుమార్ యాదవ్.
ప్రతీ ఒక్కరూ టీమ్ఇండియా తరఫున ఆడాలని అనుకుంటారని, ఇప్పుడు తన సమయం వచ్చిందని సూర్యకుమార్ అన్నాడు. విరాట్ నుంచి చాలా విషయాలు నేర్చుకోవాలని తెలిపాడు. కోహ్లీకి గెలవాలనే తపన ఎప్పుడూ ఉంటుందని, అదే తనకు ఆదర్శప్రాయమైందని అన్నాడు.
సూర్యకుమార్ యాదవ్తో పాటు.. రాహుల్ తెవాతియా, ఇషాన్ కిషన్ కూడా తొలిసారి జాతీయ జట్టుకు ఎంపికయ్యారు.
ఇదీ చదవండి:
