కరోనా కారణంగా ఇప్పటికే పలు టోర్నీలు వాయిదా పడుతుండగా బీసీసీఐ కూడా పర్యటనలను వాయిదా వేసుకుంటోంది. ఇప్పటికే జూన్-జులైలో జరగాల్సిన శ్రీలంక పర్యటనను ఆగస్టులో నిర్వహిస్తామని తెలిపింది. తాజాగా ఆగస్టులో జింబాబ్వేతో జరగాల్సిన వన్డే సిరీస్ను రద్దు చేసింది.
"ప్రస్తుతం ఉన్న పరిస్థితుల్లో టీమ్ఇండియా.. శ్రీలంక, జింబాబ్వేల్లో పర్యటించ లేదు. ఆటగాళ్లకు శిక్షణ కూడా ఇవ్వలేని సమయంలో పర్యటనను ఖరారు చేయలేం. త్వరలోనే క్రికెటర్లకు శిక్షణా శిబిరాలను ఏర్పాటు చేసేందుకు సన్నాహాలు చేస్తున్నాం."
-జై షా, బీసీసీఐ సెక్రటరీ
టీమ్ఇండియా శ్రీలంక పర్యటనను జూన్ 24 జరిగే మొదటి వన్డేతో ప్రారంభించాల్సి ఉంది. అలాగే ఆగస్టు 22న జింబాబ్వే సిరీస్ షురూ కావాల్సి ఉంది. కానీ ప్రస్తుతం ఉన్న పరిస్థితుల్లో ఈ రెండు పర్యటనలు జరిగేలా లేవని బీసీసీఐ తేల్చిచెప్పింది.
