ఆస్ట్రేలియాతో చివరి మూడు టెస్టులకు గైర్హాజరు కానున్న టీమ్ఇండియా సారథి కోహ్లి(నెం.4) స్థానంలో శుభమన్ గిల్ను ఆడించాలని అభిప్రాయపడ్డాడు కామెంటేటర్ ఆకాశ్ చోప్రా. అలాగే టెస్టుల్లో మయాంక్ అగర్వాల్, పృథ్వీ షా ఓపెనింగ్ భాగస్వామ్యాన్ని మార్చాలని సూచించాడు.
"తొలి టెస్టు తర్వాత కోహ్లీ స్థానంలో ఎవరిని నియమిస్తారు? తొలి టెస్టులో ఓపెనింగ్ భాగస్వామ్యంపై అనిశ్చిచి నెలకొంది. ఈ స్థానంలో పృథ్వీ షా లేదా కేఎల్ రాహుల్కు అవకాశం రావచ్చు. అయితే ఓపెనర్గా రాహుల్ను పంపి.. మిడిలార్డర్ బ్యాట్స్మన్గా శుభమన్ గిల్కు అవకాశమివ్వడం మంచిదని నా అభిప్రాయం."
-ఆకాశ్ చోప్రా, కామెంటేటర్.
కాగా, ఓ మ్యాచ్ మిగిలిఉండగానే టీమ్ఇండియా టీ20 సిరీస్ను దక్కించుకుంది. డిసెంబరు 8న ఆస్ట్రేలియాతో నామమాత్రపు మూడో టీ20లో తలపడనుంది.
ఇదీ చూడండి: కోహ్లీ స్థానంలో అతడే సరైనోడు: గావస్కర్
