వెస్టిండీస్ తరఫున అత్యధిక వన్డేలాడిన క్రికెటర్గా నిలిచాడు విధ్వంసక బ్యాట్స్మెన్ క్రిస్గేల్. ఇంతకు ముందు బ్రయాన్ లారా(299 వన్డేలు) పేరిట ఈ రికార్టు ఉంది. టీమిండియాతో క్వీన్స్పార్క్లో జరిగిన రెండో వన్డే.. గేల్కు 300వ 50 ఓవర్ల మ్యాచ్. ఈ సందర్భంగా అతడిపై ప్రశంసలు కురిపించాడు విండీస్ కెప్టెన్ జేసన్ హాల్డర్.
"300 వన్డేలు.. క్రికెట్లో చాలా పెద్ద అంకె. ప్రస్తుతం విండీస్ జట్టులో ఉన్న క్రికెటర్లకు.. ఈ సంఖ్య ఊహకు అందనిది." -జేసన్ హోల్డర్, వెస్టిండీస్ కెప్టెన్
విండీస్ కెప్టెన్ జేసన్ హోల్డర్
భారత్తో జరిగిన తొలి వన్డేల్లో విఫలమయ్యాడు గేల్. వర్షం కారణంగా రద్దయిన తొలి వన్డేలో 31 బంతులాడి కేవలం 4 పరుగులే చేశాడు. రెండో వన్డేలో 24 బంతుల్లో 11 పరుగులు చేసి వెనుదిరిగాడు.
39 ఏళ్ల గేల్.. లారా నెలకొల్పిన మరో రికార్డును ఈ వన్డేతో అధిగమించాడు. వెస్టిండీస్ తరఫున వన్డేల్లో అత్యధిక పరుగులు సాధించిన ఆటగాడిగా గేల్(10,408) మొదటిస్థానంలో నిలిచాడు . లారా 10,405 పరుగులు చేశాడు.
