భారత క్రికెటర్ల సతీమణులు ఏం చేస్తుంటారో తెలుసా?

క్రికెట్​.. భారత్​లో ఆట మాత్రమే కాదు ఓ మతం. ఆటను ఎంతగా అభిమానిస్తారో, ఆటగాళ్లను అంతకుమించి ఆరాధిస్తారు. మ్యాచ్​ జరుగుతుంటే కోట్లాది మంది వారికి మద్దతుగా నిలుస్తారు. అభిమాన ఆటగాడి వ్యక్తిగత జీవితం గురించి తెలుసుకోవాలని చాలా మంది ఆసక్తి చూపిస్తుంటారు. అలాంటి వారి కోసమే ఈ ఆర్టికల్. ఎంతో పేరుపొందిన టీమ్​ఇండియా క్రికెటర్ల భార్యలు ఏం చేస్తుంటారో ఇందులో చూద్దాం.

ప్రపంచవ్యాప్తంగా క్రికెటర్లకు ఉన్న క్రేజ్‌ ప్రత్యేకంగా చెప్పక్కర్లేదు. మైదానంలో సమరం కోసం దేశాలు, ఖండాలు దాటి పయనిస్తుంటారు. కుటుంబం కంటే ఎక్కువగా డ్రెస్సింగ్‌ రూమ్‌లోనే గడుపుతుంటారు. ఏడాది అంతా తీరికలేని షెడ్యూల్‌తో బిజీబిజీగా ఉంటుంటారు. ఈ సమయంలో కాస్త విరామం దొరికినా తమ ప్రేయసి, భార్యలతో సరదాగా గడిపేస్తుంటారు. ఈ నేపథ్యంలో ఎవరెవరి భార్యలు ఏం చేస్తుంటారో ఓ సారి చూద్దాం.

1. సాక్షి సింగ్​ ధోనీ

టీమ్​ఇండియా కెప్టెన్​గా జట్టుకు ఎన్నో రికార్డు విజయాలు అందించిన క్రికెటర్​ మహేంద్ర సింగ్​ ధోనీ. అతని భార్య సాక్షి. హోటల్​ మేనేజ్​మెంట్ విద్యలో పట్టభద్రురాలు. మహీని పెళ్లాడకముందు కోల్​కతాలోని తాజ్​ బెంగాల్​ హోటల్​లో ట్రైనీగా పనిచేసేవారు. వీరిద్దరికీ 2010 జులై 4న వివాహమైంది. వీరికి జీవా అనే కూతురుంది. ప్రస్తుతం ధోనీకి సంబంధించిన విషయాలను చూసుకుంటూ బిజీగా గడిపేస్తోంది సాక్షి.

ధోనీ- సాక్షి సింగ్​

2. రితికా సజ్దే​

భారత జట్టు ఓపెనర్​ రోహిత్ ​శర్మ భార్య రితికా సజ్దే. ఈమె స్పోర్ట్స్​ మేనేజర్​. అంటే ఆటగాళ్లకు సూచనలు ఇవ్వడం, స్పోర్ట్స్​ ఈవెంట్లు, మ్యాచ్​లు నిర్వహిస్తూ ఉంటారు. క్రికెట్​తో పాటు పలు క్రీడలపై రితికకు మంచి అవగాహన ఉంది. వీరిద్దరికీ సమైరా అనే పాప ఉంది.

రితికా-రోహిత్​శర్మ

3. హెజెల్​ కీచ్​

లెఫ్ట్ ​హ్యాండ్​​ బ్యాట్స్​మన్​, హార్డ్​ హిట్టర్​ యువరాజ్​ సింగ్​ సతీమణి హెజెల్ కీచ్. బాలీవుడ్​లో నటిగా రాణించిన హెజెల్​.. 'ఆ అంటే అమలాపురం' పాటలో నర్తించి మంచి గుర్తింపు తెచ్చుకున్నారు. 2016 నవంబర్​ 30న వీరిద్దరి వివాహం జరిగింది.

హెజెల్​ కీచ్​-యువరాజ్​ సింగ్​

4. గీతా బస్రా

స్పిన్నర్​ హర్భజన్​ సింగ్​ భార్య గీతా బస్రా. బాలీవుడ్​లో ఇమ్రాన్​ హష్మీ పక్కన 'దిల్​ దియా హై' సినిమాతో తొలిసారి వెండితెరకు పరిచయమయ్యారు. ఆ తర్వాత 'ద ట్రైన్'​, 'జిల్లా ఘజియాబాద్'​, 'సెకండ్​ హ్యాండ్​ హజ్బెండ్​'​ వంటి చిత్రాల్లో నటించారు. 2015లో వివాహం చేసుకున్న ఈ జోడికి హినయ హీర్​ అనే కూతురు ఉంది.

హర్భజన్​-గీతా బస్రా

5. ప్రియాంకా చౌదరి

భారత లెఫ్ట్​హ్యాండ్​ బ్యాట్స్​మన్​ సురేశ్​ రైనా సతీమణి ప్రియాంకా చౌదరి. ఈ ఆటగాడిని పెళ్లాడక ముందు నెదర్లాండ్స్​లో ఐటీ ఉద్యోగినిగా పనిచేసేవారు. చిన్ననాటి నుంచే వీరిద్దరూ స్నేహితులు కాగా.. కొన్నేళ్ల ప్రేమ తర్వాత 2015లో వివాహం చేసుకున్నారు. 2016, మే 14న వీరిద్దరికీ ఓ పాప జన్మించింది. ఆమె పేరు గ్రేసియా రైనా.

సురేశ్​ రైనా​-ప్రియాంక

6. విజేత పెందార్కర్​

టీమ్​ఇండియా మాజీ క్రికెటర్​, జాతీయ క్రికెట్​ అకాడమీ ఛైర్మన్​ అయిన రాహుల్​ ద్రవిడ్​ భార్య విజేత. మిస్టర్​ డిపెండబుల్​గా పేరున్న ఇతడి సతీమణి మెడికల్​ సర్జన్​గా పనిచేసేవారు. వీరికి సమిత్​, అన్వయ్​ అనే ఇద్దరు తనయులు ఉన్నారు. సమిత్​ ఇప్పటికే జూనియర్​ స్థాయి క్రికెట్​లో మంచి పేరు తెచ్చుకున్నాడు.

విజేతా పెందార్కర్​- రాహుల్​ ద్రవిడ్​

7. దీపికా పల్లికల్​

భారత సీనియర్​ క్రికెటర్​ దినేశ్​ కార్తీక్​ సతీమణి దీపికా పల్లికల్. భారత స్వ్కాష్​ ప్లేయర్​గా మంచి గుర్తింపు తెచ్చుకున్నారు. పీఎస్​ఏ మహిళల ర్యాంకింగ్స్​లో టాప్​-10లో చోటు దక్కించుకున్న తొలి భారతీయురాలిగా అరుదైన రికార్డు ఈమె సొంతం. అర్జున అవార్డు కైవసం చేసుకున్న మొదటి భారత మహిళా స్వ్కాష్​ ప్లేయర్​గా ఘనత సాధించారు. 2015 ఆగస్టు 18న వీరిద్దరూ వివాహం చేసుకున్నారు.

దినేశ్​ కార్తీక్​-దీపికా పల్లికల్​

8. అంజలీ తెందూల్కర్​

భారత క్రికెట్​ దిగ్గజం, మాస్టర్​ బ్లాస్టర్​ సచిన్​ తెందూల్కర్​ సతీమణి అంజలి. శిశు వైద్యురాలు(పీడియాట్రిషియన్​) అయిన అంజలి.. సచిన్​ను వివాహం చేసుకున్నాక కెరీర్​ను విడిచిపెట్టేశారు. వీరిద్దరికీ సారా, అర్జున్​ అనే పిల్లలున్నారు. అర్జున్​ ఇప్పటికే జూనియర్​ క్రికెట్​లో ఆడుతున్నాడు.

అంజలీ-సచిన్​ తెందూల్కర్​

9. అయేషా ముఖర్జీ ధావన్​

భారత స్టార్​ ఓపెనర్​ శిఖర్​ ధావన్​ భార్య అయేషా. కిక్​ బాక్సర్​, అథ్లెట్​ అయిన ఈమె.. పెళ్లయిన కొన్ని రోజుల తర్వాత ఆటలను వదిలేశారు. వీరికి జోరావర్​, రియా, అలియా అనే ముగ్గురు పిల్లలున్నారు.

శిఖర్​ ధావన్​-అయేషా ముఖర్జీ

10. డోనా గంగూలీ

భారత జట్టు మాజీ సారథి, బీసీసీఐ అధ్యక్షుడు సౌరభ్​ గంగూలీ సతీమణి డోనా. ఒడిస్సీ నృత్యంలో ప్రావీణ్యురాలు. బంగాల్​లో పుట్టిన ఈమె దీక్ష మంజరీ అనే డ్యాన్స్​ ఇన్​స్టిట్యూట్​ను నడుపుతున్నారు. దీన్ని ప్రముఖ సింగర్​ లతా మంగేష్కర్​ ప్రారంభించారు. వీరికి సనా గంగూలీ అనే పాప ఉంది.

డోనా- సౌరభ్​ గంగూలీ

11. మయంతీ లాంగర్​

భారత క్రికెటర్​ స్టువర్ట్​ బిన్నీ భార్య మయంతీ లాంగర్. క్రికెట్​ వ్యాఖ్యాత, జర్నలిస్ట్​గా ఈమెకు మంచి పేరుంది. 2010 ఫిఫా వరల్డ్​కప్, 2015 క్రికెట్​ వరల్డ్​కప్​ సహా 2010 కామన్వెల్త్​ గేమ్స్​, 2011 క్రికెట్​ వరల్డ్​ కప్​,2014 ఇండియన్​ సూపర్​లీగ్​లో తన వ్యాఖ్యానంతో ప్రేక్షకులను మెప్పించారు. స్టార్​ టీవీ ఛానెల్​లో ప్రసారమయ్యే అంతర్జాతీయ క్రికెట్ మ్యాచ్​లకు​ మయంతి యాంకర్​గా ఉన్నారు.

స్టువర్ట్​ బిన్నీ-మయంతీ లాంగర్​

12. అనుష్క శర్మ

ప్రస్తుత టీమ్​ఇండియా సారథి విరాట్​ కోహ్లీ సతీమణి అనుష్క శర్మ. బాలీవుడ్​లో స్టార్​ నటిగా గుర్తింపు తెచ్చుకున్నారు. ప్రేమ పెళ్లి చేసుకున్న అనుష్క.. వివాహం తర్వాత సినిమాల్లో కొనసాగుతున్నారు. వెబ్​సిరీస్​లకు నిర్మాతగానూ వ్యవహరిస్తున్నారు.

కోహ్లీ-అనుష్క

13. ప్రీతి నారాయణన్​

టీమ్​ఇండియా స్టార్​ స్పిన్నర్​ రవిచంద్రన్​ అశ్విన్​ సతీమణి ప్రీతి నారాయణన్. ఇంజినీర్​ అయిన ఈమె అశ్విన్​తో పాటు ఒకే కళాశాలలో చదువుకున్నారు. ఈ జంటకు ఆద్య, అకిరా అనే ఇద్దరు పిల్లలున్నారు.

అశ్విన్​-ప్రీతి నారాయణన్​

14. నుపుర్​ నగర్​

భారత పేసర్​ భువనేశ్వర్​ కుమార్​ భార్య నుపుర్. ఇంజినీర్​ అయిన ఈమె నొయిడాలోని ఓ మల్టీనేషనల్​ సంస్థలో ఉద్యోగినిగా సేవలందించారు.

భువనేశ్వర్​-నుపుర్​ నగర్​

15. తాన్యా వాధ్వ

భారత యువ పేసర్​ ఉమేశ్​ యాదవ్​ సతీమణి తాన్యా. డిజైనర్​ అయిన ఈమెకు ఫ్యాషన్​ రంగంలో మంచి పట్టుంది.

తాన్యా వాధ్వ-ఉమేశ్​ యాదవ్​

ఇవీ చూడండి: