ఐపీఎల్​ ఆటగాళ్లకు క్రికెట్​ ఆస్ట్రేలియా హామీ

భారత్​ నుంచి విమాన రాకపోకలను ఆస్ట్రేలియా ప్రభుత్వం నిషేధించడంపై క్రికెట్ ఆస్ట్రేలియా స్పందించింది. ఆసీస్ ఆటగాళ్లకు సహాయం చేయడానికి బీసీసీఐ, ఐపీఎల్ నిర్వాహకులతో చర్చలు జరుపుతామని తెలిపింది.

భారత్​ నుంచి విమాన రాకపోకలను ఆస్ట్రేలియా ప్రభుత్వం నిలుపుదల చేసిన నేపథ్యంలో ఆ దేశ క్రికెట్ బోర్డు స్పందించింది. బీసీసీఐతో పాటు ఐపీఎల్​ నిర్వాహకులతో వరుసగా చర్చలు జరుపుతామని క్రికెట్ ఆస్ట్రేలియా ప్రకటించింది. ఎప్పటికప్పుడు పరిస్థితులను పర్యవేక్షిస్తామని తెలిపింది. ఆసీస్ ఆటగాళ్లకు సహాయం చేయడానికి మోరిస్ ప్రభుత్వంతో సంబంధాలు పెంచుకుంటామని హామీ ఇచ్చింది.

ఇదీ చదవండి: 'మీరు సజావుగా వెళ్లాకే.. లీగ్​​ ముగిసినట్లు భావిస్తాం'

"ఇప్పటి నుంచి ఆటగాళ్లు, కోచ్​లు, మ్యాచ్​ నిపుణులు, వ్యాఖ్యాతలతో ఎప్పటికప్పుడు చర్చలు జరపాలని క్రికెట్ ఆస్ట్రేలియా, ఆస్ట్రేలియన్​ క్రికెటర్స్​ అసోసియేషన్ నిర్ణయించాయి. అవసరమైన చోట సాయం చేయడానికి కూడా మేం సిద్ధమే. మే 15 వరకు భారత్ నుంచి రాకపోకలు నిలుపుదల చేయాలని ప్రధాని మోరిసన్​ నిర్ణయించారు. లీగ్​ చివరి తేదీయైనా మే 30 వరకు పరిస్థితులను పర్యవేక్షిస్తాం. మీకు సాయం చేయడానికి ప్రభుత్వంతో సంబంధాలు పెంచుకుంటాం."

-క్రికెట్ ఆస్ట్రేలియా.

ఇదీ చదవండి: 'ప్రత్యేక ఏర్పాట్లు చేయండి- అదేం కుదరదు'

బీసీసీఐకి ధన్యవాదాలు..

"భారత్​లో కరోనా విధ్వంసం సృష్టిస్తున్నా.. బీసీసీఐ అత్యంత భద్రత ప్రమాణాల నడుమ లీగ్​ను నిర్వహిస్తోంది. ఆటగాళ్లను సురక్షితమైన బయో బబుల్​లో ఉంచుతోంది. అందుకుగానూ భారత క్రికెట్​ బోర్డుతో పాటు ఐపీఎల్ నిర్వాహకులకు ధన్యవాదాలు" అని క్రికెట్ ఆస్ట్రేలియా పేర్కొంది.

ఇదీ చదవండి: బ్రెట్​ లీ దాతృత్వం- భారత్​కు బిట్​కాయిన్ సాయం