భారత క్రికెట్కు జస్ప్రిత్ బుమ్రా ఓ ఆయుధం. అటు ఐపీఎల్ అయినా, ఇటు అంతర్జాతీయ మ్యాచ్లలోనైనా.. డెత్ ఓవర్లలో సారథులు బంతి అందించేది బుమ్రాకే! తన పదునైన బౌలింగ్తో కెరీర్ ఆరంభం నుంచి దూసుకుపోతున్నాడు బుమ్రా. ముఖ్యంగా తన బౌలింగ్ యాక్షన్తో ఎందరినో ఆకట్టుకున్నాడు. కానీ అదే బౌలింగ్ యాక్షన్తో బుమ్రా కెరీర్కే ప్రమాదం అంటున్నాడు పాకిస్థాన్ మాజీ బౌలర్ షోయబ్ అక్తర్. బుమ్రా బౌలింగ్ యాక్షన్తో గాయాలయ్యే అవకాశాలు ఎక్కువని చెబుతున్నాడు.
"ఫ్రంట్ యాక్షన్పైనే బుమ్రా బౌలింగ్ ఆధారపడి ఉంటుంది. వెన్ను, భుజం వేగమే ఇక్కడ కీలకం. సాధారణ బౌలింగ్లో కొంచెం పక్కకి ఒంగితే కొంత ఉపశమనం లభిస్తుంది. కానీ ఫ్రంట్ యాక్షన్లో ఇలా ఉండదు. ఎంత ప్రయత్నించినా, వెన్ను నొప్పి నుంచి తప్పించుకోలేరు. షేన్ బాండ్, ఇయాన్ బిషప్లు ఇందుకు ఉదాహరణ. అందుకే బుమ్రా విషయంలో జాగ్రత్తగా ఉండాలి. 'ఒక మ్యాచ్ ఆడాను. ఇక విశ్రాంతి తీసుకోవాలి' అన్నట్టు బుమ్రా ఉండాలి. పని భారాన్ని తగ్గించుకోవాలి. అలా కాకుండా ప్రతి మ్యాచ్లోనూ ఆడిస్తే ఇంకో ఏడాదిలో బుమ్రా పని అయిపోతుంది.'"
- షోయబ్ అక్తర్, పాక్ మాజీ బౌలర్.
ప్రతి ఐదు అంతర్జాతీయ మ్యాచ్లలో మూడింట్లోనే బుమ్రాను ఆడించాలని అభిప్రాయపడ్డాడు అక్తర్. బుమ్రా ఎక్కువ కాలం క్రికెట్లో కొనసాగాలంటే ఇలా చేయడం తప్పదు అని స్పష్టం చేశాడు.
ఇదీ చూడండి:- బుమ్రా బౌలింగ్ సీక్రెట్పై ఐసీసీ వీడియో
