ICC world cup 2023 Venues India : ఈ ఏడాది భారత్లో జరిగే వన్డే ప్రపంచ కప్ టోర్నమెంట్పై బీసీసీఐ ఓ కీలక నిర్ణయం తీసుకోనుంది. వరల్డ్ కప్ టోర్నీలో ఏఏ మ్యాచులు ఏఏ వేదికలపై నిర్వహించనున్నారో.. ఐపీఎల్ 2023 ఫైనల్ మ్యాచ్ తర్వాత ఖరారు చేయనున్నట్లు తాజా సమాచారం. కాగా ఇప్పటికే ఈ టోర్నీని 12 వేదికల్లో నిర్వహిస్తామని ప్రకటించింది బీసీసీఐ.
ICC WC 2023 Venues : వన్డే ప్రపంచ కప్ 2023 టోర్న్మెంట్లో మొత్తం 48 మ్యాచ్లు జరగనున్నాయి. అహ్మదాబాద్ స్టేడియం సహా హైదరాబాద్, చెన్నై, దిల్లీ, బెంగళూరు, కోల్కతా, లఖ్నవూ, ఇందౌర్, రాజ్కోట్, ముంబయి, గువాహటి మైదానాలు వేదికలు కానున్నాయి. భారత్ ఆడే మ్యాచ్లకు కేవలం ఏడు మైదానాలే వేదిక కానున్నాయి. ఇకపోతే భద్రతా కారణాల దృష్యా పాకిస్థాన్, బంగ్లాదేశ్ ఆడే మ్యాచ్లను కొన్ని వేదికలకే పరిమితం చేయనుంది బోర్డు. పాకిస్థాన్ తమ మ్యాచ్లను కోల్కతా, బెంగళూరు, చెన్నైలో ఆడనుంది. అలాగే బంగ్లాదేశ్ తమ మ్యాచ్లను కోల్కతా, గువాహటిలో ఆడేలా బీసీసీఐ ప్రణాళిక రూపొందిస్తోంది.
గతంలో భారత్ ఆతిథ్యం... ఇది వరకు వన్డే ప్రపంచకప్నకు భారత్ మూడు సార్లు ఆతిథ్యమిచ్చింది. అయితే 1987లో పాకిస్థాన్తో, 1996లో పాక్, శ్రీలంకలతో కలిసి సంయుక్తంగా వేదికను పంచుకుంది. 2011లో బంగ్లాదేశ్, శ్రీలంకలతో కలసి ప్రపంచకప్నకు ఆతిథ్యమిచ్చింది. ఆ సంవత్సరం మహేంద్ర సింగ్ ధోనీ కెప్టెన్సీలో ఫైనల్లో శ్రీలంకపై ఉత్కంఠ పోరులో గెలిచి భారత్ ఛాంపియన్గా నిలిచింది. ఆ తర్వాత భారత్ ఆడిన 2015, 2019 ప్రపంచకప్ల్లో సెమీస్లోనే నిష్క్రమించింది. 2015లో ఆస్ట్రేలియాపై ఓడగా.. 2019లో న్యూజిలాండ్పై పరాజయం పాలైంది.
ఖండించిన బీసీసీఐ.. ఆసియా కప్ 2023 కోసం పాకిస్థాన్ క్రికెట్ బోర్డు ప్రతిపాదించిన హైబ్రిడ్ మోడల్ (తటస్థ వేదిక) విధానాన్ని బీసీసీఐ ఇప్పటికే తిరస్కరించిన విషయం తెలిసిందే. తాజాగా బీసీసీఐ.. హైబ్రిడ్ మోడల్కు అంగీకరించిందంటూ పాకిస్థాన్ మీడియాలో వస్తున్నాయి. అయితే దీనిపై బోర్డు స్పందించింది. ఆ కథనాలను కొట్టిపారేసింది. ఐపీఎల్ 2023 ఫైనల్ తర్వాతే.. ఆసియా కప్‌పై తుది నిర్ణయం తీసుకుంటామని బీసీసీఐ కార్యదర్శి జై షా వెల్లడించారు. కాగా, ఈ ఏడాది ఆసియా కప్నకు పాకిస్థాన్ ఆతిథ్యం ఇవ్వాల్సి ఉండగా.. భారత ప్రభుత్వం అనుమతి లేకుండా టీమ్ఇండియాను పాకిస్థాన్కు పంపకూడదని బీసీసీఐ నిర్ణయించింది.
'ఆసియా కప్నకు సంబంధించి ఇంకా నిర్ణయం తీసుకోలేదు. మేము ఐపీఎల్ టోర్నమెంట్తో బిజీగా ఉన్నాము. శ్రీలంక, బంగ్లాదేశ్, అఫ్గానిస్తాన్‌ క్రికెట్ బోర్డుల నుంచి అత్యున్నత స్థాయి ప్రముఖులు ఐపీఎల్ ఫైనల్ చూసేందుకు భారత్ వస్తున్నారు. వారితో చర్చించి ఆసియా కప్ పై తుది నిర్ణయం తీసుకుంటాం'.
జై షా బీసీసీఐ కార్యదర్శి.
