ప్రస్తుతం ఐపీఎల్తో బిజీగా ఉన్న టీమ్ఇండియా తర్వాత టీ20 ప్రపంచకప్కు సిద్ధమవుతుంది. అనంతరం భారత జట్టు స్వదేశీ పర్యటనలతో బిజీగా మారనుంది. తాజాగా ఇందుకు సంబంధించిన 2021-22 సీజన్ షెడ్యూల్(bcci schedule 2021-22)తో పాటు వేదికల్ని ఖరారు చేసింది బీసీసీఐ(bcci news). మొత్తంగా ఈ సీజన్లో 14 టీ20, 3 వన్డే, 4 టెస్టులు ఆడనుంది. ఇందులో తెలుగు రాష్ట్రాల్లో వైజాగ్ ఓ మ్యాచ్కు ఆతిథ్యం ఇవ్వనుంది.
- తొలుత న్యూజిలాండ్తో టీ20లతో పాటు టెస్టు సిరీస్ ఆడుతుంది భారత జట్టు. ఈ రెండు జట్ల మధ్య తొలి టీ20 ఈ ఏడాది నవంబర్ 17న జరుగుతుంది. డిసెంబర్ 7న ఈ పర్యటన పూర్తవుతుంది.
- డిసెంబర్-జనవరిలో దక్షిణాఫ్రికా పర్యటనకు వెళ్లనుంది భారత జట్టు.
- అనంతరం వచ్చే ఏడాది ఫిబ్రవరిలో వెస్టిండీస్తో వన్డే, టీ20 సిరీస్ల్లో పాల్గొంటుంది భారత్. ఈ రెండు జట్ల మధ్య ఫిబ్రవరి 18న జరిగే రెండో టీ20కి వైజాగ్ ఆతిథ్యం ఇవ్వనుంది.
- తర్వాత శ్రీలంకతో రెండు టెస్టులు, మూడు టీ20లు ఆడనుంది టీమ్ఇండియా. ఈ సిరీస్ వచ్చే ఏడాది ఫిబ్రవరి 25న మొదలై మార్చి 18న ముగుస్తుంది.
- ఏప్రిల్-మేలో ఐపీఎల్-2022 జరగనుంది.
- చివరగా వచ్చే ఏడాది జూన్లో దక్షిణాఫ్రికాకు ఆతిథ్యం ఇవ్వనుంది భారత్. ఈ పర్యటనలో ఐదు టీ20లు జూన్ 9 నుంచి 19 వరకు నిర్వహించనున్నారు.
రొటేషన్ ప్రకారం చాలా పట్టణాలు ఈ సిరీస్కు(bcci schedule 2021-22) వేదికలుగా నిలిచాయి. జైపుర్, రాంచీ, లఖ్నవూ, వైజాగ్, కోల్కతా, అహ్మదాబాద్, కటక్, త్రివేండ్రం, చెన్నై, రాజ్కోట్, దిల్లీకి ఆతిథ్య హక్కులు దక్కాయి.
టీమ్ఇండియా పూర్తి షెడ్యూల్ (జులై 2022 వరకు)
అక్టోబర్ 24-నవంబర్ 14 - టీ20 ప్రపంచకప్
నవంబర్ 17-డిసెంబర్ 7 - న్యూజిలాండ్కు ఆతిథ్యం
డిసెంబర్ 17-జనవరి 26 - దక్షిణాఫ్రికా పర్యటన
ఫిబ్రవరి 6-ఫిబ్రవరి 20 - వెస్టిండీస్కు ఆతిథ్యం
ఫిబ్రవరి 25-మార్చి 18 - శ్రీలంకకు ఆతిథ్యం
ఏప్రిల్-మే - ఐపీఎల్ 2022
జూన్ 9-జూన్ 19 - దక్షిణాఫ్రికాకు ఆతిథ్యం
జులై 1-జులై 14 - ఇంగ్లాండ్ పర్యటన
