Womens Asia Cup India Squad : మహిళల ఆసియా కప్ 2022 సీనియర్ టీమ్ ఇండియా జట్టును బీసీసీఐ ప్రకటించింది. ఈ మేరకు బీసీసీఐ గౌరవ కార్యదర్శి జై షా మీడియా అడ్వైజరీ జారీ చేశారు. బంగ్లాదేశ్ అతిధ్యం ఇవ్వనున్న ఈ టోర్నమెంట్.. అక్టోబర్ 1న ప్రారంభమై 15న ముగుస్తుంది.
ఈ కప్ కోసం ఆల్ ఇండియా మహిళా సెలెక్షన్ కమిటీ 15 మందితో కూడిన జట్టును సెలెక్ట్ చేసింది. జట్టులో హర్మన్ ప్రీత్(కెప్టెన్), స్మృతి మంధాన(వైస్ కెప్టెన్), దీప్తి శర్మ. శఫాలీ వర్మ, జెనిమా రోడ్రిగ్స్, సబ్బినేని మేఘన, రిచా ఘోష్(వికెట్ కీపర్), స్నేహ్ రానా, దయలన్ హేమలత, మేఘన సింగ్, రేనుకా థాకూర్, పూజ వస్త్రాకర్, రాజేశ్వరీ గైక్వాడ్, రాధా యాదవ్, కేపీ నవ్గిరే ఉన్నారు. స్టాండ్బై ప్లేయర్లుగా.. తనియా సప్న భాటియా, సిమ్రన్ దిల్ బహదూర్ ను ఎంపిక చేశారు.
అయితే ఆసియా కప్ షెడ్యూల్ను మంగళవారం ట్విట్టర్ వేదికగా జై షా ప్రకటించారు. మొదటి రోజు బాంగ్లాదేశ్.. థాయిలాండ్తో తలపడనుంది. అదే రోజు భారత్.. శ్రీలంకతో, అక్టోబర్ 7న పాకిస్థాన్ మ్యాచ్ ఆడనుంది. అక్టోబర్ 11వ తేది వరకు లీగ్ స్టేజ్ మ్యాచ్లు జరగనున్నాయి. 13న సెమీ ఫైనల్, 15న ఫైనల్ మ్యాచ్లు జరగనున్నాయి.
బంగ్లాదేశ్లో జరుగుతున్న 8వ ఎడిషన్ ఆసియా కప్లో ఏడు జట్లు పాల్గొంటున్నాయి. అందులో డిఫెండింగ్ ఛాంపియన్ బంగ్లాదేశ్తో పాటు ఇండియా, శ్రీలంక, పాకిస్థాన్, థాయిలాండ్, మలేసియా, యూఏఈ ఉన్నాయి. అయితే ఇండియా ఇప్పటివరకు ఆరు ఆసియా కప్లు సొంతం చేసుకోవడం విశేషం.
ఇవీ చదవండి: టీమ్ ఇండియా ప్లేయర్కు ఆ నటి ప్రేమ సందేశం
