Australia Vs Sri lanka World Cup 2023 : ఎట్టకేలకు బోణీ కొట్టిన కంగారూలు.. శ్రీలంక హ్యాట్రిక్ ఓటమి

Australia vs Sri Lanka World Cup 2023 : 2023 వరల్డ్​కప్​లో ఆస్ట్రేలియా తొలి విజయం నమోదు చేసింది. సోమవారం శ్రీలంతో జరిగిన మ్యాచ్​లో 5 వికెట్ల తేడాతో గెలుపొందింది.

Australia vs Sri Lanka World Cup 2023 : 2023 వరల్డ్​కప్​లో ఆస్ట్రేలియా ఎట్టకేలకు బోణీ కొట్టింది. సోమవారం లఖ్​నవూ వేదికగా శ్రీలంకతో జరిగిన మ్యాచ్​లో 5 వికెట్ల తేడాతో ఆసీస్ గెలుపొందింది. తొలుత బ్యాటింగ్ చేసిన శ్రీలంక.. 43.3 ఓవర్లలో 209 పరుగుకు ఆలౌటైంది. ఇక లంక నిర్దేశించిన 210 పరుగుల టార్గెట్​​ను ఆసీస్.. 35.2 ఓవర్లలో 5 వికెట్లు కోల్పోయి ఛేదించింది. ఆస్ట్రేలియా బ్యాటర్లలో ఓపెనర్ మిచెల్ మార్ష్ (52), జోష్ ఇంగ్లిస్ (58) అర్ధ శతకాలతో చెలరేగగా.. లబుషేన్ (40), మ్యాక్స్​వెల్ (31*) రాణించారు. చివర్లో మార్కస్ స్టోయినిస్ (20 పరుగులు, 10 బంతుల్లో : 2x4, 1x6) దూకుడుగా ఆడాడు. లంక బౌలర్లలో దిల్షాన్ మధుషంక 3, వెల్లలాగె 1 వికెట్ పడగొట్టారు. ఇక 4 వికెట్లతో రాణించి లంక బ్యాటర్లకు కళ్లెం వేసిన ఆసీస్ బౌలర్ ఆడమ్ జంపాకు 'మ్యాన్ ఆఫ్ ది మ్యాచ్' అవార్డు లభించింది.

ఆరంభం అదిరినప్పటికీ.. అంతకుముందు టాస్​ గెలిచి బ్యాటింగ్ ఎంచుకున్న శ్రీలంకకు ఘనమైన ఆరంభం దక్కింది. ఓపెనర్లు పాతమ్ నిస్సంకా (61 పరుగులు, 67 బంతుల్లో : 8x4), కుశాల్ పెరీరా (78 పరుగులు, 82 బంతుల్లో : 12x4) హాఫ్ సెంచరీలతో రాణించారు. వీరిద్దరూ ఎక్కడా కూడా రన్​రేట్ 6కు తగ్గకుండా స్కోర్ బోర్డును పరుగులు పెట్టించారు. వీరి జోరు చూశాకా.. శ్రీలంక ఈజీగా 300+ స్కోర్ సాధిస్తుంది అని అంతా అనుకున్నారు. 21.4 ఓవర్​ వద్ద ఆసీస్ పేస్ బౌలర్ ప్యాట్ కమిన్స్​ ఈ జోడీని విడగొట్టాడు. దీంతో 125 పరుగుల భాగస్వామ్యానికి తెర దించాడు. తర్వాత కాసేపటికి కుశాల్ పెరీరా కూడా పెవిలియన్ బాట పట్టాడు. అతడ్ని సైతం కమిన్సే ఔట్ చేశాడు.

52 పరుగులకే 8 వికెట్లు.. ఓపెనర్లు ఔటయ్యాక లంక ఇన్నింగ్స్ గాడీ తప్పింది. వారి ఇన్నింగ్స్ ముగియడానికి ఎంతో సమయం పట్టలేదు. లంక చివరి 8 వికెట్లకు 52 పరుగులే చేసింది. ఆసీస్ బౌలర్ల ధాటికి ఎవరూ నిలబడలేకపోయారు. ఓపెనర్లు మినహా అసలంక (25 పరుగులు) ఒక్కడే రెండంకెల స్కోర్ సాధించాడు. ఆసీస్ బౌలర్లలో జంపా 4, మిచెల్ స్టార్క్ 2, కమిన్స్ 2, మ్యాక్స్​వెల్ 1 వికెట్ పడగొట్టారు..

శ్రీలంక చెత్త రికార్డు.. తాజా ఓటమితో శ్రీలంక ఓ చెత్త రికార్డును మూటగట్టుకుంది. ప్రపంచకప్​ చరిత్రలో అత్యధిక మ్యాచ్​(42) లు ఓడిన జట్టుగా.. నెదర్లాండ్స్​తో సమానంగా నిలిచింది. ఇక ఈ లిస్ట్​లో 35 ఓటములతో వెస్టిండీస్, 34 పరాజయాలతో ఇంగ్లాండ్ ఉన్నాయి.

• An emphatic win in Lucknow helps Australia open their account in the #CWC23 🤩#AUSvSL 📝: https://t.co/nOE42M6VZW pic.twitter.com/vbBfkTDmGI

  — ICC (@ICC) October 16, 2023 " class="align-text-top noRightClick twitterSection" data="

  An emphatic win in Lucknow helps Australia open their account in the #CWC23 🤩#AUSvSL 📝: https://t.co/nOE42M6VZW pic.twitter.com/vbBfkTDmGI

  — ICC (@ICC) October 16, 2023

  ">

  An emphatic win in Lucknow helps Australia open their account in the #CWC23 🤩#AUSvSL 📝: https://t.co/nOE42M6VZW pic.twitter.com/vbBfkTDmGI

  — ICC (@ICC) October 16, 2023