Ashes 2021 live: యాషెస్ తొలి టెస్టులో ఆస్ట్రేలియా పట్టుబిగిస్తోంది. బ్రిస్బేన్ వేదికగా జరుగుతున్న ఈ మ్యాచ్లో తొలి ఇన్నింగ్స్లో ఆస్ట్రేలియా 425 పరుగులకు ఆలౌటైంది. 343/7తో మూడో రోజు బ్యాటింగ్ ప్రారంభించిన ఆసీస్ మరో 62 పరుగులు జోడించి ఆలౌటైంది. దీంతో తొలి ఇన్నింగ్స్లో 278 పరుగుల ఆధిక్యం సంపాదించింది. ట్రెవిస్ హెడ్ (152) భారీ శతకంతో అదరగొట్టగా.. స్టార్క్ (35) అతడికి మద్దతుగా నిలిచాడు. ఇంగ్లాండ్ బౌలర్లలో రాబిన్సన్, మార్క్ వుడ్ చెరో మూడు వికెట్లతో రాణించగా క్రిస్ వోక్స్ 2, లీచ్, రూట్ చెరో వికెట్ సాధించారు.
ఇక రెండో ఇన్నింగ్స్ ప్రారంభించిన ఇంగ్లాండ్ మూడో రోజు టీ విరామ సమయానికి రెండు వికెట్ల నష్టానికి 107 పరుగులు చేసింది. బర్న్స్ (13), హమీద్ (27) మరోసారి విఫలమయ్యారు. రూట్ (26), మలన్ (35) క్రీజులో ఉన్నారు. ఇంకా 171 పరుగులు వెనకపడి ఉంది ఇంగ్లీష్ జట్టు.
