Ajit Agarkar About Virat Kohli : ఆసియా కప్ 2023 కోసం టీమ్ఇండియా జట్టును ఇటీవలే బీసీసీఐ ప్రకటించిన విషయం తెలిసిందే. టీమ్ అనౌన్స్మెంట్ అనంతరం జట్టు కెప్టెన్ రోహిత్ శర్మ, సెలెక్షన్ కమిటీ ఛైర్మన్ అజిత్ అగార్కర్ ప్రెస్మీట్లో పాల్గొని.. మీడియా అడిగిన ప్రశ్నలకు జవాబిచ్చారు. ఈ క్రమంలోనే "పాకిస్థాన్తో మ్యాచ్లో వారి బౌలర్లు హరీస్ రౌఫ్, షహీన్ను ఎదుర్కోడానికి ఏమైనా ప్లాన్స్ ఉన్నాయా" అని ఓ విలేకరి అడగగా.. అగార్కర్ "వారి సంగతి విరాట్ చూసుకుంటాడులే" అని అగార్కర్ నవ్వుతూ సమాధానమిచ్చినట్లు సోషల్మీడియాలో తెగ చక్కర్లు కొట్టింది. విరాట్ ఫ్యాన్స్ అయితే.. అగార్కర్ కరెక్ట్గా చెప్పారంటూ ఈ వీడియోను తెగ వైరల్ చేశారు.
పాక్ బౌలర్ రియాక్షన్... అగార్కర్ అన్న వ్యాఖ్యలపై పాక్ బౌలర్ షాదాబ్ ఖాన్ కూడా స్పందించాడు. ఎవరైనా ఏదైనా అంటారని, కానీ క్రికెటర్లు తమ సత్తా ఏంటో స్టేడియంలో నిరూపించుకోవాలంటూ కాస్త అసహనంతో మాట్లాడాడు. సెప్టెంబరు 2న అసలు వాస్తవాన్ని చూస్తానని అన్నాడు. "మ్యాచ్ రోజు ఏం జరుగుతుందనేది ముఖ్యం. దానిపైనే ఆధారపడి ఉంటుంది. నేనో లేదా ఇంకెవరైనా.. ఏమైనా అనొచ్చు. కానీ దాని వల్ల ఎటువంటి ఉపయోగం ఉండదు. మ్యాచ్ జరిగినప్పుడే కదా అసలు ఏం జరుగుతుందో తెలిసేది" అంటూ ఛాలెంజ్ కూడా విసిరాడు. ప్రస్తుతం ఈ మాటలన్నీ చర్చనీయాంశమైంది.
ఇందులో నిజమెంత?.. అయితే తాజాగా అందిన సమాచారం ప్రకారం.. అగార్కర్ పాల్గొన్న ప్రెస్మీట్లో అతడు అలాంటి వ్యాఖ్యలు చేయలేదని తెలిసింది. అసలు అలాంటి ప్రశ్నే మీడియా ప్రతినిధులు వేయలేదని సమాచారం అందింది. ఇవన్నీ రూమర్స్ అని తేలింది. సోషల్మీడియాలో ఎవరో కావాలనే దీన్ని ప్రచారం చేశారని తెలిసింది.
India Squad For Asia Cup 2023 : ఇకపోతే స్టాండ్బై ప్లేయర్ సంజూ శాంసన్తో సహా.. 18 మందితో కూడిన జట్టులో తెలుగు కుర్రాడు తిలక్ వర్మకు చోటుదక్కింది. ఇప్పటివరకూ వన్డేల్లో అరంగేట్రం చేయని తిలక్కు నేరుగా ఆసియా కప్ ఆడే అవకాశం రావడం అదృష్టమనే చెప్పాలి. ఇక ఆసియా కప్లో తుది జట్టులో ఛాన్స్ లభిస్తే.. టీ20ల్లో సైతం రాణించాలని అతడి ఫ్యాన్స్ ఆశిస్తున్నారు. కాగా ఇటీవలె విండీస్తో టీ20 సిరీస్లో ఆడిన తిలక్ అదరగొట్టాడు. కానీ ప్రస్తుతం ఐర్లాండ్ పర్యటనలో రెండు మ్యాచ్ల్లో ఘోరంగా విఫలమయ్యాడు.
Ind vs Pak Asia Cup 2023 : ఆగస్టు 30 నుంచి ఈ ప్రతిష్ఠాత్మక టోర్నీ ఆరంభం కానుంది. పాకిస్థాన్, శ్రీలంక దేశాలు ఈ టోర్నీకి ఆతిథ్యమిన్ననున్నాయి. ఆరు దేశాలు టైటిల్ వేటలో ఉన్నాయి. ఇక నేపాల్ వర్సెస్ పాకిస్థాన్ మ్యాచ్తో ఈ టోర్నీకి తెర లేవనుంది. సెప్టెంబర్ 2న భారత్.. చిరకాల ప్రత్యర్థి పాకిస్థాన్తో తలపడనుంది. కాగా సెప్టెంబర్ 17న ఫైనల్ మ్యాచ్ జరగనుంది.
Ajit Agarkar Team Selection : 'అందుకే చాహల్ను తప్పించాం.. ధావన్ మంచి ప్లేయరే కానీ'
