Ahmedabad Franchise IPL: ఐపీఎల్లో భాగంగా అహ్మదాబాద్ ఫ్రాంచైజీని కొనుగోలు చేసిన సీవీసీ క్యాపిటల్కు బెట్టింగ్ సంస్థలతో సంబంధాలు ఉన్నాయని ఇటీవల ఆరోపణలు వచ్చాయి. దీంతో ఐపీఎల్లో అహ్మదాబాద్ జట్టు ఎంట్రీపై సందేహాలు వ్యక్తమయ్యాయి. అయితే తాజాగా సీవీసీ క్యాపిటల్కు లైన్క్లియర్ అయినట్లు తెలుస్తోంది. ఆరోపణల నేపథ్యంలో దర్యాప్తు చేపట్టిన బీసీసీఐ లీగల్ కమిటీ.. గ్రీన్స్నిగల్ ఇచ్చినట్లు బోర్డు వర్గాలు వెల్లడించాయి.
అసలు వివాదం ఏంటంటే..
అహ్మదాబాద్ జట్టుపై యాజమాన్య హక్కులను రూ. 5,625 కోట్లు వెచ్చించి సీవీసీ క్యాపిటల్ దక్కించుకుంది. అయితే దీనిపై మాజీ ఐపీఎల్ కమిషనర్ లలిత్ మోదీ వివాదాస్పద వ్యాఖ్యలు చేశారు. 'బెట్టింగ్ సంస్థలు కూడా ఐపీఎల్ జట్లను కొనుగోలు చేస్తున్నట్లు ఉంది. ఇదేదో కొత్త నిబంధన అనుకుంటా. పెద్ద బెట్టింగ్ కంపెనీ ఒకటి ఐపీఎల్లో అడుగుపెడుతోందట' అంటూ వ్యాఖ్యానించారు. దీంతో బీసీసీఐ విచారణ చేపట్టింది.
అధికారుల వివరాల ప్రకారం..
సీవీసీ క్యాపిటల్.. తమ అధికారిక వెబ్సైట్లో టిపికో, సిసల్ అనే బెట్టింగ్ కంపెనీలను తమ అనుబంధ సంస్థలుగా పేర్కొంది. దీనిపై బీసీసీఐ ప్రశ్నించగా.. సీవీసీకి ఆసియన్, యూరోపియన్ అనే రెండు ఫండ్లు ఉన్నాయని సంస్థ వెల్లడించింది. బెట్టింగ్ చట్టబద్ధమైన దేశాల్లో యూరోపియన్ ఫండ్స్ కింద బెట్టింగ్ సంస్థలతో కలిసి పనిచేస్తున్నామని పేర్కొంది. అహ్మదాబాద్ జట్టుకు ఆసియన్ ఫండ్ నుంచి పెట్టుబడులు పెట్టినట్లు తెలిపిన సీవీసీ.. ఆసీయన్ ఫండ్కు బెట్టింగ్ సంస్థలతో ఎలాంటి సంబంధం లేదని స్పష్టం చేసింది.
ఇదీ చూడండి : ధోనీ రికార్డుకు చేరువలో యువ క్రికెటర్!
