టీ10 లీగ్ ఐదో సీజన్(Abu Dhabi T10 Season 5) నవంబర్ 19 నుంచి అబుదాబిలో అట్టహాసంగా ప్రారంభం కానుంది. ఢిపెండింగ్ ఛాంపియన్స్ నదరన్ వారియర్స్, దిల్లీ బుల్స్ మధ్య తొలి మ్యాచ్ జరగనుంది. ఇంగ్లాండ్ ద్వయం మొయిన్ అలీ, క్రిస్ జోర్డాన్.. రెండుసార్లు ఛాంపియన్గా నిలిచిన నదరన్ వారియర్స్కు ప్రాతినిధ్యం వహిస్తుండగా.. దిల్లీ తరఫున డ్వేన్ బ్రావో (Dwayne Bravo News), ఇయాన్ మోర్గాన్ లాంటి స్టార్ క్రికెటర్లు ఉన్నారు.
రెండో మ్యాచ్ (Abu Dhabi T10 Teams) టీమ్ అబుదాబి, బంగ్లా టైగర్స్ మధ్య జరగనుంది. అబుదాబి జట్టులో వెస్టిండీస్ దిగ్గజం క్రిస్ గేల్, ఇంగ్లాండ్ సూపర్స్టార్ లియామ్ లివింగ్స్టోన్ ఉన్నారు. బంగ్లా టైగర్స్లో పాకిస్థాన్ మాజీ ఆల్రౌండర్ షాహిద్ అఫ్రిదీ, దక్షిణాఫ్రికా మాజీ కెప్టెన్ డుప్లెసిస్ ఉన్నారు.
రెండో రోజు యూసుఫ్ పఠాన్ ప్రాతినిధ్యం వహిస్తున్న చెన్నై బ్రేవ్స్.. ఆండ్రీ రస్సెల్ ప్రాతినిధ్యం వహిస్తున్న డెక్కన్ గ్లేడియేటర్స్ను ఢీకొట్టనుంది. మొత్తంగా ఈ లీగ్లో జాయెద్ క్రికెట్ స్టేడియంలో 15 రోజుల పాటు 35 మ్యాచ్లు జరగనున్నాయి. క్వాలిఫైయర్స్ డిసెంబర్ 3న జరగనుంది.
ఇదీ చూడండి: పాక్ పర్యటనకు ఆస్ట్రేలియా.. 24 ఏళ్లలో తొలిసారి!
