ఆర్​సీబీ 'హాల్ ఆఫ్ ఫేమ్​'లో యూనివర్సల్ బాస్​, మిస్టర్​ 360 ​

RCB News: దిగ్గజ క్రికెటర్లు క్రిస్ గేల్, ఏబీ డివిలియర్స్​కు హాల్ ఆఫ్​ ​ఫేమ్​లో చోటు కల్పించింది ఆర్​సీబీ. వారు తమ ప్రాంఛైజీకి అందించిన విశేష సేవలకు గుర్తుగా ఈమేరకు గౌరవించింది. జట్టు మాజీ సారథి విరాట్​ కోహ్లీ వీరి పేర్లను ప్రకటించాడు.

RCB Hall of Fame: ఐపీఎల్​ ప్రాంఛైజీ రాయల్​ ఛాలెంజర్స్ బెంగళూరు హాల్ ఆఫ్ ఫేమ్​ను ప్రకటించింది. తొలి రెండు స్థానాలను ఆ జట్టుకు విశేష సేవలందించిన దిగ్గజ క్రికెటర్లు క్రిస్​ గేల్​, ఏబీ డివిలియర్స్​కు కేటాయించింది. సోమవారం సాయంత్రం జరిగిన ప్రత్యేక కార్యక్రమంలో ఆర్​సీబీ మాజీ సారథి విరాట్​ కోహ్లీ వీరి పేర్లను ప్రకటించాడు. గేల్​, డివిలియర్స్​కు సంబంధించిన స్పెషల్​ వీడియోను ఈ సందర్భంగా ప్రదర్శించారు. ఈ కార్యక్రమానికి వీరిద్దరు వర్చువల్​గా హాజరయ్యారు.

• Introducing the #RCB Hall of Fame: Match winners, Legends, Superstars, Heroes - you can go on and on about @ABdeVilliers17 and @henrygayle, two individuals who are responsible for taking IPL to where it is today. #PlayBold #WeAreChallengers #IPL2022 #ನಮ್ಮRCB #RCBHallOfFame pic.twitter.com/r7VUkxqEzP

  — Royal Challengers Bangalore (@RCBTweets) May 17, 2022 " class="align-text-top noRightClick twitterSection" data="

  Introducing the #RCB Hall of Fame: Match winners, Legends, Superstars, Heroes - you can go on and on about @ABdeVilliers17 and @henrygayle, two individuals who are responsible for taking IPL to where it is today. #PlayBold #WeAreChallengers #IPL2022 #ನಮ್ಮRCB #RCBHallOfFame pic.twitter.com/r7VUkxqEzP

  — Royal Challengers Bangalore (@RCBTweets) May 17, 2022

  ">

  Introducing the #RCB Hall of Fame: Match winners, Legends, Superstars, Heroes - you can go on and on about @ABdeVilliers17 and @henrygayle, two individuals who are responsible for taking IPL to where it is today. #PlayBold #WeAreChallengers #IPL2022 #ನಮ್ಮRCB #RCBHallOfFame pic.twitter.com/r7VUkxqEzP

  — Royal Challengers Bangalore (@RCBTweets) May 17, 2022

Royal Challengers Bangalore: విరాట్ కోహ్లీ మాట్లాడుతూ.. ఏబీ, గేల్​పై ప్రశంసల వర్షం కురిపించాడు. ఇద్దరు లెజెండరీ బ్యాటర్లు చాలా ఏళ్ల పాటు బెంగళూరుకు విశేష సేవలందించారని కొనియాడాడు. విధ్వంసకర ఆట తీరుతో ఐపీఎల్ రూపు రేఖలనే మార్చిన ఘనత ఏబీ, గేల్​కు దక్కుతుందని పేర్కొన్నాడు. ఐపీఎల్​పై వీరి ప్రభావం ఎప్పటికీ ఉంటుందన్నాడు. ఈ ఇద్దరు ఆటగాళ్లు తనకు ఎంతో ప్రత్యేకం అని చెప్పుకొచ్చాడు.

AB de villiers: ఆర్​సీబీ హాల్​ ఆఫ్​ ఫేమ్​లో చోటు కల్పించడం తనకు దక్కిన అరుదైన గౌరవంగా భావిస్తున్నట్లు డివిలియర్స్​ ఆనందం వ్యక్తం చేశాడు. వర్చువల్​గా మాట్లాడుతూ భావోద్వేగానికి లోనయ్యాడు. ఆర్​సీబీ జట్టు సభ్యులతో అనుబంధాన్ని ఎప్పటికీ మరచిపోలేనని పేర్కొన్నాడు. మాజీ సారథి కోహ్లీకి ధన్యవాదాలు తెలిపాడు. ఆర్​సీబీతో ప్రయాణం తన జీవితంలో గొప్ప విషయమని చెప్పాడు. ఈ జట్టు తనకు కుటుంబంతో సమానమన్నాడు.
క్రిస్ గేల్​ కూడా ఆర్​సీబీ ప్రాంఛైజీకి కృతజ్ఞతలు చెప్పాడు. హాల్ ఆఫ్ ఫేమ్​లో చోటు దక్కడం తనకు ఎంతో ప్రత్యేకమన్నాడు. ఈ జట్టు తన హృదయానికి ఎప్పుడూ దగ్గరగా ఉంటుందని, ఎన్నో జ్ఞాపకాలు ఉన్నాయని పేర్కొన్నాడు.

మిస్టర్​ 360 డిగ్రీస్​గా పేరున్న ఏబీ డివిలియర్స్ ఆర్​సీబీ తరఫున 2011-2021 వరకు 157 మ్యాచ్​లు ఆడాడు. 158.33 స్ట్రైక్ రేట్​తో 4,522 పరుగులు చేశాడు. ఇందులో రెండు శతకాలు, 37 అర్ధ శతకాలు ఉన్నాయి. అత్యధిక స్కోరు 133 నాటౌట్. యూనివర్సల్​ బాస్​గా పిలిచే క్రిస్​ గేల్​ ఆర్​సీబీ తరఫున 2011-2017 మధ్య 91 మ్యాచ్​లకు ప్రాతినిధ్యం వహించాడు. 154.40 స్ట్రైక్ రేట్​తో 3,420 పరుగులు చేశాడు. ఇందులో ఐదు సెంచరీలు, 21 అర్ధ సెంచరీలు ఉన్నాయి. 175 నాటౌట్ అత్యధిక స్కోరు.
వచ్చే ఏడాది ఐపీఎల్ సీజన్​లో బెంగళూరు చిన్నస్వామి స్టేడియంలో గేల్, డివిలియర్స్​కు ప్రత్యేక మొమెంటోలు ఇచ్చి సన్మానించనున్నట్లు ఆర్​సీబీ తెలిపింది.

ఇదీ చదవండి: సినిమాల్లోకి ఎంట్రీ ఇస్తున్న గబ్బర్​.. ప్రముఖ బాలీవుడ్ బ్యానర్​లో!