2023 రౌండప్- రోహిత్, విరాట్​ రికార్డులే రికార్డులు- కానీ ఆ ఒక్కటే!

2023 Rohit Virat Records : 2023 ఏడాదిలో వరల్డ్​కప్ ఓటమి మినహా టీమ్ఇండియా కెప్టెన్ రోహిత్ శర్మ, స్టార్ బ్యాటర్ విరాట్ కోహ్లీ అద్భుతంగా రాణించారు. వీరిద్దరూ ఈ ఏడాది సాధించిన రికార్డులపై ఓ లుక్కేద్దామా?

2023 Rohit Virat Records : 2023 ఏడాదిలో టీమ్ఇండియాకు అనేక అంశాలు కలిసొచ్చాయి. మూడు ఫార్మాట్​లలో కలిపి ఎన్నో మ్యాచ్​ల్లో టీమ్ఇండియా నెగ్గింది. కానీ, రెండు మ్యాచ్​ల ఫలితాలు మొత్తం పరిస్థితులను మార్చేశాయి. అందులో ఒకటి జూన్​లో జరిగిన డబ్ల్యూటీసీ (WTC 2023) ఫైనల్ కాగా, రెండోది 2023 వన్డే ప్రపంచకప్​ ఫైనల్. ఈ ఫలితాలు యావత్ టీమ్ఇండియా ఫ్యాన్స్​ను కలచివేశాయి. అయితే ఈ రెండింట్లో మినహా, టీమ్ఇండియా అద్భుత విజయాలు సాధించడంలో కీ రోల్​ ప్లే చేశారు కెప్టెన్ రోహిత్ శర్మ, స్టార్ బ్యాటర్ విరాట్ కోహ్లీ. వీరిద్దరూ ఈ ఏడాదిలో సాధించిన కొన్ని ఘనతలేంటో తెలుసుకుందాం.

విరాట్ కోహ్లీ

• 2023 వరల్డ్​కప్​లో విరాట్ అద్భుత ప్రదర్శన కనబర్చాడు. అతడు ఈ మెగాటోర్నీలో 11 మ్యాచ్​ల్లో 765 పరుగులు చేశాడు. దీంతో ఓ వరల్డ్​కప్​ టోర్నీలో అత్యధిక పరుగులు బాదిన జాబితాలో, సచిన్ తెందూల్కర్ (674 పరుగులు) రికార్డు బ్రేక్​ చేసి టాప్​లో నిలిచాడు విరాట్.
• ఇక ఇదే టోర్నీలో విరాట్ 3 సెంచరీలు బాదాడు. ఈ క్రమంలోనే వన్డేల్లో అత్యధిక సెంచరీలు (50) నమోదు చేసిన ప్లేయర్​గా చరిత్ర సృష్టించాడు. ఈ రికార్డు ఇదివరకు సచిన్ (49) పేరిట ఉండేది. కాగా, విరాట్ అంతటి ఘనమైన రికార్డును బద్దలుకొట్టాడు.
• మరోవైపు ఇదే ఏడాది సెప్టెంబర్​లో జరిగిన ఆసియా కప్​లో విరాట్, వన్డేల్లో 13 వేల పరుగుల మైలురాయి అందుకున్నాడు. దీంతో ఈ ఫార్మాట్​లో అత్యధిక పరుగులు సాధించిన మూడో బ్యాటర్​గా (13848) విరాట్​ కొనసాగుతున్నాడు. అతడి కంటే ముందు సచిన్, సంగక్కర ఉన్నారు. అయితే 13 వేల పరుగుల మార్క్​ అందుకునేందుకు సచిన్​ 321 ఇన్నింగ్స్​ తీసుకోగా, విరాట్ 267 ఇన్నింగ్స్​ల్లోనే అందుకున్నాడు.
• ఇక ఆ ఏడాది ఐపీఎల్​ల్లోనూ విరాట్ అదరగొట్టాడు. 14 మ్యాచ్​ల్లో 53.25 సగటుతో 639 పరుగులు చేశాడు. అందులో రెండుసార్లు 100 మార్క్ అందుకున్నాడు. ఈ క్రమంలో టోర్నీలో అత్యధిక పరుగులు చేసిన ఆటగాడిగా విరాట్ (7236) అగ్రస్థానంలో కొనసాగుతున్నాడు. అటు సెంచరీల పరంగానూ విరాట్​దే టాప్​ ప్లేస్. విరాట్ టోర్నీలో ఇప్పటివరకు 7 శతకాలు నమోదు చేశాడు.

  • When virat koli became the first batsman to score 50 odi century in international cricket ❤🇮🇪👑👑.#คณะลิเกมิสแกรนด์ #RohitSacked #QSMPPurgatory2 #الشيخ_نواف_الاحمد_الصباح #الاتفاق_التعاون #الاتحاد_الاهلي_المصري #StrictlyComeDancing #AUSvsPAK #BB17 . pic.twitter.com/GLb9HRzvUJ

    — Shakeel Ahmad (@shakeel_nasari) December 16, 2023 " class="align-text-top noRightClick twitterSection" data="

    When virat koli became the first batsman to score 50 odi century in international cricket ❤🇮🇪👑👑.#คณะลิเกมิสแกรนด์ #RohitSacked #QSMPPurgatory2 #الشيخ_نواف_الاحمد_الصباح #الاتفاق_التعاون #الاتحاد_الاهلي_المصري #StrictlyComeDancing #AUSvsPAK #BB17 . pic.twitter.com/GLb9HRzvUJ

    — Shakeel Ahmad (@shakeel_nasari) December 16, 2023

    ">

    When virat koli became the first batsman to score 50 odi century in international cricket ❤🇮🇪👑👑.#คณะลิเกมิสแกรนด์ #RohitSacked #QSMPPurgatory2 #الشيخ_نواف_الاحمد_الصباح #الاتفاق_التعاون #الاتحاد_الاهلي_المصري #StrictlyComeDancing #AUSvsPAK #BB17 . pic.twitter.com/GLb9HRzvUJ

    — Shakeel Ahmad (@shakeel_nasari) December 16, 2023

రోహిత్ శర్మ

• ఈ ఏడాది రోహిత్​ గురించి చెప్పుకోవాలంటే వరల్డ్​కప్​ ప్రదర్శనే. అతడు ఈ మెగాటోర్నీలో అదరహో అనిపించాడు. ఒకటి, రెండు మినహా దాదాపు అన్ని మ్యాచ్​ల్లోనూ 100+ స్టైక్​ రేట్​తో ఇన్నింగ్స్​ ప్రారంభం నుంచే ఎటాకింగ్ గేమ్ ఆడాడు. ఈ క్రమంలో అతడు 11 ఇన్నింగ్స్​ల్లో 597 పరుగుల సాధించి, లీగ్​లో రెండో టాపర్​గా నిలిచాడు. ఇందులో 1 సెంచరీ, 3 హాఫ్ సెంచరీలు ఉన్నాయి.
• ఇక మెగాటోర్నీ సింగిల్​ సీజన్​లో అత్యధిక పరుగులు సాధించిన కెప్టెన్​గా, టోర్నీ హిస్టరీలో అత్యధిక సిక్స్​లు (58) బాదిన బ్యాటర్​గా రికార్డులకెక్కాడు హిట్​మ్యాన్. అలాగే వరుసగా రెండు ఎడిషన్​ల్లో 500+ పరుగులు నమోదు చేసిన బ్యాటర్​గా రోహిత్ నిలిచాడు. ఈ లిస్ట్​లో ఆస్ట్రేలియా బ్యాటర్ డేవిడ్ వార్నర్ కూడా ఉన్నాడు.
• ఈ ఏడాది రోహిత్ వన్డేల్లో 10 వేల పరుగుల మైలురాయి అందుకున్నాడు. ఇప్పటివరకు రోహిత్ వన్డేల్లో 254 ఇన్నింగ్స్​ల్లో 10709 పరుగులు చేశాడు. ఇందులో 31 సెంచరీలు ఉన్నాయి. ఇక 2023లో వన్డేల్లో రోహిత్ 60 సిక్స్​లు బాదాడు. ఒక క్యాలెండర్ ఇయర్​లో ఇన్ని సిక్స్​లు బాదిన బ్యాటర్​ రోహితే.
• ఈ క్యాలెండర్​ ఇయర్​లో రోహిత్ వన్డేల్లో 27 మ్యాచ్​ల్లో 1255 పరుగులు చేశాడు. ఈ క్రమంలో రోహిత్​ కంటే ముందు శుభ్​మన్ గిల్ (1584), విరాట్ (1377) ఇద్దరే ఉన్నారు. ఇక 2023లో వన్డేల్లో అత్యధిక పరుగులు చేసిన టాప్ -3 బ్యాటర్లు టీమ్ఇండియా ప్లేయర్లే. అటు ఐపీఎల్​లోనూ రోహిత్ 332 పరుగులతో రాణించాడు.

  • This wc will always be remembered as Rohit Sharma's World Cup 🪽🤌. pic.twitter.com/yHJ0i0l0oo

    — 𝐀𝐬𝐡𝐢𝐦. (@RoFiedAsim) December 21, 2023 " class="align-text-top noRightClick twitterSection" data="

    This wc will always be remembered as Rohit Sharma's World Cup 🪽🤌. pic.twitter.com/yHJ0i0l0oo

    — 𝐀𝐬𝐡𝐢𝐦. (@RoFiedAsim) December 21, 2023

    ">

    This wc will always be remembered as Rohit Sharma's World Cup 🪽🤌. pic.twitter.com/yHJ0i0l0oo

    — 𝐀𝐬𝐡𝐢𝐦. (@RoFiedAsim) December 21, 2023

కెప్టెన్సీలోనూ అదరహో : ఈ ఏడాది జరిగిన రెండు మేజర్ టోర్నీ (ఆసియా కప్, వరల్డ్​కప్)ల్లో టీమ్ఇండియాను అద్భుతంగా నడిపాడు రోహిత్ శర్మ. అందులో ఆసియా కప్​ టైటిల్​ నెగ్గగా, వరల్డ్​కప్ ఫైనలో టీమ్ఇండియా చతికిలపడింది. అయినప్పటికీ ఆ టోర్నీలో టీమ్ఇండియా అత్యధిక విజయాలు (10) నమోదు చేసిన జట్టుగా నిలిచింది.